بھارت اسلام آباد جانے سے بچنے کے لیے جھوٹے بہانے تراش رہا ہےاعصام الحق

اگر بھارتی ٹیم پاکستان نہیں آنا چاہتی تو پھر آئی ٹی ایف اس حوالے سے اپنے قوانین پر عمل کرے، ٹینس اسٹار۔ فوٹو: فائل

---

پاکستانی ٹینس اسٹار اعصام الحق کا کہنا ہے کہ بھارتی ٹیم آئندہ ماہ ڈیوس کپ ٹائی کیلیے اسلام آباد نہیں جانا چاہتی، اسی لیے جھوٹے بہانے تراشے جا رہے ہیں۔

اعصام الحق نے کہا ہے کہ انٹرنیشنل ٹینس فیڈریشن نے پاکستان کی سیکیورٹی کو اطمینان بخش قرار دے دیا، ہماری فیڈریشن نے مہمان پلیئرز کو انتہائی اعلیٰ درجے کی سیکیورٹی فراہم کرنے کی یقین دہانی کرادی ہے، ایسے میں کیوں جھوٹے بہانے بنا رہے ہیں۔

انہوں نے کہا کہ اگر بھارتی ٹیم پاکستان نہیں آنا چاہتی تو پھر آئی ٹی ایف اس حوالے سے اپنے قوانین پر عمل کرے۔

واضح رہے کہ یہ ٹائی آئندہ ماہ 14 اور 15 کو شیڈول ہے۔