لوگ مار دھاڑ نہیں لو اسٹوری پر فلم پسند کرتے ہیں صائمہ

نئے دور میں فلم انڈسٹری میں بھی نئے تقاضوں کو اپنانا ہو گا‘ فلم انڈسٹری کے لیے سب کو زیادہ سے زیادہ محنت کرنا ہو گی، صائمہ فوٹو: فائل

---

اداکارہ صائمہ نور نے کہا ہے کہ آج بھی فلموں میں محبت کی اسٹوری کو زیادہ پسند کیا جاتا ہے۔

نئے دور میں فلم انڈسٹری میں بھی نئے تقاضوں کو اپنانا ہو گا' فلم انڈسٹری کے لیے سب کو زیادہ سے زیادہ محنت کرنا ہو گی۔ ایک تقریب کے دوران گفتگو کرتے ہوئے فلم اسٹار صائمہ نور نے کہا کہ آج کل لوگ لڑائی جھگڑوں والی نہیں بلکہ محبت کی اسٹوری والی فلم کو زیادہ پسند کرتے ہیں اور اگر ہم نے پاکستانی فلم انڈسٹری کو مضبوط کرنا ہے تو پھر شائقین کی خواہش کے مطابق فلمیں بنانا ہو گی۔ انھوں نے کہا کہ ہر روز دنیا میں نئی ٹیکنالوجی متعارف ہو رہی ہے اور ہمیں بھی اپنی انڈسٹری کو نئے تقاضوں سے ہم آہنگ کرنا ہو گا۔