سمندری میں حادثے میں کراچی کے ایک ہی گھرانے کے 4 افراد جاں بحق

پک اپ میں سوار شاکر حسین رضوی، شاہدہ بی بی زوجہ شاکر، احسن رضا ولد شاکر اور 11 سالہ مرتضی موقع پر جاں بحق ہو گئے۔ فوٹو: فائل

---

موٹر وے ایم تھری سمندری انٹر چینج کے نزدیک پک اپ اور کنٹینر کے درمیان خوفناک تصادم کے نتیجہ میں ایک ہی خاندان کے4افراد جاں بحق جبکہ تین شدید زخمی ہو گئے۔

کراچی کا رہائشی سید شاکر حسین رضوی فیملی کے ہمراہ گاڑی پر سوار ہو کر لاہور ٹاؤن شپ میں اپنے رشتے داروں کو ملنے جارہا تھا کہ سمندری انٹر چینج سے تھوڑے فاصلہ پر ان کی گاڑی بے قابو ہو کر سامنے جانے والے کنٹینر کے ساتھ جا ٹکرائی، حادثہ میں گاڑی کنٹینر کے نیچے بری طرح دھنس گئی۔

حادثے میں پک اپ میں سوار شاکر حسین رضوی، شاہدہ بی بی زوجہ شاکر، احسن رضا ولد شاکر اور 11 سالہ مرتضی موقع پر جاں بحق ہو گئے جبکہ پندرہ سالہ ارتضی اور دیگر دو افراد بری طرح زخمی ہو گئے۔