لوگ ’’گجر برانڈ‘‘ کی بجائے اچھی فلم دیکھنا چاہتے ہیں بہار بیگم

اداکارہ بہار بیگم کلچرل جرنلسٹس فاؤنڈیشن آف پاکستان کے انتخابی نتائج کا اعلان کر رہی ہیں۔ فوٹو: ایکسپریس

---

سینئر اداکارہ بہار بیگم نے کہا ہے کہ پروڈیوسرز نے فلم انڈسٹری سے گھر، بزنس اور سینما بنا لیے مگر اب یہ لوگ کہتے ہیں کہ ہم فلم کیوں بنائیں، اب لوگ ''گجر برانڈ'' فلم کی بجائے اچھی فلم دیکھنا چاہتے ہیں۔

دوسری جانب پاکستان کی ہر انڈسٹری کی سپورٹ کے لیے حکومت اپنا کردار ادا کرتی ہے مگر ہماری بدقسمت انڈسٹری کے سر پر کسی حکومت نے ہاتھ نہیں رکھا۔ بہار بیگم نے ''ایکسپریس'' کو انٹرویو دیتے ہوئے کہا کہ اگر دیکھا جائے تو آج جن فنکاروں، فلمسازوں، ہدایتکاروں کے پاس کوٹھیاں اور قیمتی گاڑیاں ہیں وہ سب فلم انڈسٹری کیوجہ سے ہی ہیں۔



اگر ہم لوگ کسی دوسرے شعبے میں کام کرتے ہوتے تو اتنی عزت، شہرت اور دولت نہ کما پاتے، جتنی فلم انڈسٹری سے ہمیں ملی ہے، ہر کاروبار میں اتار چڑھائو آتا رہتا ہے لیکن جب تک سب لوگ ایمانداری سے کام نہیں کریں گے حالات میں بہتری ممکن نہیں ہے۔