سیلاب متاثرین کی بحالی میں مصروف ہیں، الزامات پر جواب دینے کا وقت نہیں،وزیراعظم

 اسلام آباد: وزیر اعظم میاں شہباز شریف نے کہاہے کہ حکومت اس وقت صرف سیلاب متاثرین کی بحالی کے کاموں میں مصروف ہے اور ہمارے پاس کسی کے الزامات و غلط فہیمیوں کا جواب دینے کے لیے وقت نہیں ہے۔

وزیر اعظم نے عمران خان کے سوال کے جواب میں ٹویٹ کرتے ہوئے کہا ہے کہ حکومت سیلاب متاثرین کی بحالی میں مصروف ہے ،آپ کے الزامات وغلط فہمیوں سے متعلق وقت نہیں۔  ہم صرف قانون اور آئین کے راستے پر چل رہے ہیں ہمیشہ قانون کے سامنے سرجھکایا ہے۔

ہماری حکومت اسوقت سیلاب متاثرین کی بحالی میں مصروف ہے لہذا آپکے الزامات و غلط فہمیوں سے متعلق کوئی وقت نہیں۔رہ گئی بات چندے کی تو امید ہے کہ آپ موجودہ فنڈز کے ساتھ ساتھ2010کےسیلاب متاثرین کے نام پر لئے گئے چندےوغیر قانونی فارن فنڈنگ کی ایک ایک پائی کاحساب اُسی طرح ضرور دیں گے>1/2 https://t.co/1m4nOgnkak

— Shehbaz Sharif (@CMShehbaz) September 13, 2022

انہوں نے کہا کہ امید ہے کہ آپ (عمران خان) موجودہ فنڈز کے ساتھ2010کے سیلاب متاثرین کے نام پر لئے چندے وفارن فنڈنگ کاحساب بھی دیں گے۔

جِس طرح میں نے اور میرے ساتھیوں نے ہمیشہ خندہ پیشانی سے دیا اور ابھی تک قانون کے سامنے سر جھکایا ہوا ہے۔
یہ تمام پابندیاں اور ہتھکنڈے آپ کے خصائل ہیں، ہمارے نہیں۔ ہم صرف قانون اور آئین کے راستے پر چل رہے ہیں۔

— Shehbaz Sharif (@CMShehbaz) September 13, 2022

وزیر اعظم شہباز شریف نے مزید کہا کہ میں اور میرے ساتھیوں نے ہمیشہ خندہ پیشانی سے حساب دیا اورقانون کے سامنے سر جھکایاہے،پابندیاں اور ہتھکنڈے آپ کے خصائل ہیں ہمارے نہیں، ہم صرف قانون اور آئین کے راستے پر چل رہے ہیں۔