- کراچی میں غیرملکیوں کی گاڑی کے قریب ہونے والا دھماکا خود کش تھا، رپورٹ
- مولانا فضل الرحمٰن کو احتجاج کرنا ہے تو کے پی میں کریں ، بلاول بھٹو زرداری
- کراٹے کمبیٹ 45؛ شاہ زیب رند نے ’’بھارتی کپتان‘‘ کو تھپڑ دے مارا
- بلوچستان کابینہ کے 14 وزراء نے حلف اٹھا لیا
- کینیا؛ ہیلی کاپٹر حادثے میں آرمی چیف سمیت 10 افسران ہلاک
- قومی و صوبائی اسمبلی کی 21 نشستوں کیلیے ضمنی انتخابات21 اپریل کو ہوں گے
- انٹرنیٹ بندش کا اتنا نقصان نہیں ہوتا مگر واویلا مچا دیا جاتا ہے، وزیر مملکت
- پی ٹی آئی کی لیاقت باغ میں جلسہ کی درخواست مسترد
- پشاور میں صحت کارڈ پر دوائیں نہ ملنے کا معاملہ؛ 15 ڈاکٹرز معطل
- پہلا ٹی20؛ عماد کو پلئینگ الیون میں کیوں شامل نہیں کیا؟ سابق کرکٹرز کی تنقید
- 9 مئی کیسز؛ فواد چوہدری کی 14 مقدمات میں عبوری ضمانت منظور
- بیوی کو آگ لگا کر قتل کرنے والا اشتہاری ملزم بہن اور بہنوئی سمیت گرفتار
- پی ٹی آئی حکومت نے دہشتگردوں کو واپس ملک میں آباد کیا، وفاقی وزیر قانون
- وزیر داخلہ کا کچے کے علاقے میں مشترکہ آپریشن کرنے کا فیصلہ
- فلسطین کواقوام متحدہ کی مکمل رکنیت دینے کا وقت آ گیا ہے، پاکستان
- مصباح الحق نے غیرملکی کوچز کی حمایت کردی
- پنجاب؛ کسانوں سے گندم سستی خرید کر گوداموں میں ذخیرہ کیے جانے کا انکشاف
- اسموگ تدارک کیس: ڈپٹی ڈائریکٹر ماحولیات لاہور، ڈپٹی ڈائریکٹر شیخوپورہ کو فوری تبدیل کرنیکا حکم
- سابق آسٹریلوی کرکٹر امریکی ٹیم کو ہیڈکوچ مقرر
- ہائی کورٹس کے چیف جسٹسز کے صوابدیدی اختیارات سپریم کورٹ میں چیلنج
کراچی: ملیر میں دکاندار کی فائرنگ سے ڈاکو ہلاک
کراچی: شہر قائد میں اسٹریٹ کرائمز اور دکانوں میں گھس کر لوٹ مار کی وارداتوں بڑھتی ہوئی وارداتوں سے عاجز شہریوں نے ڈاکوؤں سے خود ہی نمٹنا شروع کر دیا۔
نیشنل ہائی وے انور بلوچ ہوٹل کے قریب بیٹری کی دکان میں ڈکیتی کی واردات کے دوران دکاندار کی فائرنگ سے ایک ڈاکو ہلاک ہوگیا جبکہ دیگر ساتھی موقع سے فرار ہوگئے، واردات کی فوٹیج بھی سوشل میڈیا پر وائرل ہوگئی۔
تفصیلات کے مطابق ملیر سٹی کے علاقے نیشنل ہائی وے انور بلوچ ہوٹل کے قریب بیٹری میں کی دکان میں 2 موٹر سائیکلوں پر سوار ڈاکوؤں نے دھاوا بول دیا جس میں ہلمٹ پہنے ہوئے 2 ڈاکوؤں نے دکان میں گھس کر وہاں پر موجود افراد کو یرغمال بنالیا اس دوران ایک ڈاکو نے کیش کاؤنٹر سے نقدی جمع کر کے تھیلے میں جمع کی۔
ڈکیت جیسے ہی لوٹ مار کر کے دکان سے باہر نکلے تو دکاندار نے ڈاکو پر فائرنگ کردی جس کے نتیجے میں پشت پر گولی لگی اور وہ لڑکھڑاتا ہوا دکان سے باہر آیا جس پر دکاندار نے ایک اور فائر کیا، ملزم کے ساتھ آنے والا دوسرا ساتھی باہر کھڑی موٹرسائیکل پر اپنے ساتھی کو چھوڑ کر فرار ہوا تاہم زخمی ڈکیت کچھ فاصلے پر گر کر ہلاک ہوگیا۔
واقعے کی اطلاع ملتے ہی پولیس کی بھاری نفری جائے وقوعہ پہنچی اور ڈکیت کی لاش کو ضابطے کی کارروائی کیلیے جناح اسپتال منتقل کیا۔ ایس ایچ او ملیر سٹی سید عدنان بخاری نے بتایا کہ 2 موٹر سائیکلوں پر سوار 5 ڈاکو واردات کے لیے آئے تھے، مارے جانے والے ڈاکو کی شناخت 45 سالہ نواز کے نام سے کی گئی۔
انہوں نے بتایا کہ ڈکیتی کے دوران دکان کے مالک نسیم نے اپنے لائسنس یافتہ پستول سے ڈاکوؤں پر فائرنگ کی تھی اور ہلاک ہونے والے ڈاکو کے قبضے سے لوٹی گئی رقم برآمد ہوگئی، مارے جانے والے ڈاکو کے قبضے سے ملنے والے شناخت کارڈ پر اس کا پتہ دادو کا لکھا ہے۔ پولیس افسر کے مطابق دکاندار کی فائرنگ سے مارے جانے والا ڈکیت اس سے قبل سکھن پولیس کے ہاتھوں گرفتار ہو کر جیل جا چکا ہے۔ پولیس نے اطراف میں لگے سی سی ٹی وی کیمروں کی فوٹیج حاصل کر کے دیگر چار ڈکیتوں کی تلاش اور شناخت شروع کردی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔