پاکستان میں رواں مالی سال مہنگائی کم ہونیکی توقع ہے ایشیائی بینک

غیرملکی قرضوں کی ادائیگی کے باعث زرمبادلہ کے ذخائر پر دباؤ رہنے کا خدشہ ہے، رپورٹ۔ فوٹو: فائل

---

ایشیائی ترقیاتی بینک نے کہا ہے کہ غیرملکی قرضوں کی ادائیگی کے باعث پاکستانی زرمبادلہ کے ذخائر پر دبائو رہنے کا خدشہ ہے تاہم رواں مالی سال کے اختتام تک پاکستان میں مہنگائی کی شرح میں کمی کا امکان ہے۔

بنک کی طرف سے جاری رپورٹ میں کہا گیا ہے کہ رواں مالی سال پاکستان کی معاشی شرح نمو 3.4 فیصد رہنے کی توقع ہے ۔ حکومت کی بہترین معاشی اصلاحات کے باعث اگلے مالی سال معاشی ترقی کی شرح بہتر ہونے کی امید ہے۔ رپورٹ میں کہا گیا کہ حکومت کی غیرملکی قرضوں کی ادائیگی کے باعث زر مبادلہ کے ذخائر دبائو میں آسکتے ہیں تاہم رواں مالی سال کے اختتام تک مہنگائی کم ہونے کی توقع بھی ہے۔