حکومت طالبان کے حوالے سے جلد کوئی حتمی فیصلہ کرے خورشید شاہ

پیپلز پارٹی جمہوریت کو نقصان پہنچانے والے کسی بھی عمل کا حصہ نہیں بنے گی، خورشید شاہ. فوٹو: فائل

---

قائد حزب اختلاف سید خورشید شاہ کا کہنا ہے کہ ہمیں ملکی مفادات عزیز ہیں، حکومت طالبان کے حوالے سےجلد کوئی حتمی فیصلہ کرے۔

سکھر ایئرپورٹ پر میڈیا سے بات کرتے ہوئے خورشید شاہ کا کہنا تھا کہ ہمیں ملکی مفاد سب سے زیادہ عزیز ہے، حکومت کو طالبان کے حوالے سے جلد کوئی حتمی فیصلہ کرنا چاہیئے، پاکستان پیپلز پارٹی جمہوریت کو نقصان پہنچانے والے کسی بھی عمل کا حصہ نہیں بنے گی۔ ان کا کہنا تھا کہ وزیراعظم نواز شریف کو نریندر مودی کی حلف برداری کی تقریب ميں شرکت کرنی چاہیے۔

خورشید شاہ کا کہنا ہے کہ پنجاب حکومت نے خیبر پختونخوا کو گندم کی فراہمی روک دی ہے، صوبے جب اپنی مرضی کے فیصلےکرتے ہيں تو نقصان ہوتا ہے۔ انھوں نے کہا کہ سندھ اور خیبر پختونخواميں طویل لوڈشیڈنگ اس لیے کی جا رہی ہے کہ لوگ چیختے رہيں اور انہيں چور کہا جاسکے۔