کراچی:
پولیس نے لیاری میں کارروائی کرتے ہوئے گینگ وار کے سرغنہ عزیر بلوچ کے بھائی زبیر بلوچ کو گرفتار کرکے منشیات برآمد کرلی۔
چاکیواڑہ پولیس کے مطابق لیاری کے علاقے مرزا آدم خان روڈ پر کارروائی کی گئی،کارروائی کے دوران گینگ وار کا سرغنہ عزیر بلوچ کے بھائی ملزم زبیر بلوچ کو گرفتار کیا گیا، زبیر بلوچ کے پاس سے 85 گرام کرسٹل منشیات برآمد ہوئی۔
پولیس کے مطابق زبیر بلوچ منشیات فروشی میں ملوث ہے، زبیر بلوچ کچھ دن قبل جیل سے رہا ہوکر منیشات فروخت کررہا تھا، زبیر بلوچ لیاری گینگ وار کے سرغنہ عزیر بلوچ کا بھائی ہے، زبیر بلوچ کے خلاف تھانہ چاکیواڑہ میں مقدمہ درج کیا گیا ہے۔
