پاکستان کی نامور صوفی گلوکارہ عابدہ پروین کی وفات کی خبریں سوشل میڈیا پر گردش کررہی ہیں تاہم ان کی بیٹی نے خبروں کو غلط قرار دے دیا۔
ایکسپریس نیوز کے مطابق سوشل میڈیا پر معروف گلوکارہ عابدہ پروین کے انتقال کی خبریں تیزی کے ساتھ وائرل ہوئیں اور یہ افواہ اڑائی گئی کہ گلوکارہ وفات پاچکی ہیں۔
عابدہ پروین کی بیٹی نے سوشل میڈیا پر چلنے والی ان تمام خبروں کو افواہ قرار دیا ہے۔
انہوں نے واضح کیا کہ سوشل میڈیا پر چلنے والی تمام خبریں غلط اور بے بنیاد ہیں ان کی والدہ بالکل خیریت سے ہیں۔
instagram.com/p/DTQ0icACMxk/?utm_source=ig_web_copy_link&igsh=NTc4MTIwNjQ2YQ==
گلوکارہ کی بیٹی نے واضح کیا کہ یہ خبر ایک غلط فہمی کی وجہ سے سوشل میڈیا پر وائرل ہوئی، دراصل لاہور کے علاقے دلگران چوک میں ایک خاتون کا انتقال ہوا تھا جن کا نام عابدہ پروین تھا۔
انہوں نے مزید بتایا کہ صرف نام کی وجہ سے یہ غلط فہمی پیدا ہوئی اور لوگ سمجھ رہے ہیں کہ پاکستان کی نامور صوفی گلوکارہ انتقال کرگئیں۔
ان کا کہنا تھا کہ میری والدہ بالکل صحت مند اور خیرت سے ہیں، ایسی افواہیں پھیلاکر عوام کو گمراہ کیا جارہا ہے۔
