بینظیر قتل کیس کے تمام ملزمان کے بیانات ریکارڈ21 اگست سے حتمی بحث کا حکم

عدالت نے فریقین کو آئندہ تاریخ سے حتمی بحث شروع کرنے کے احکام بھی دیے ہیں۔ فوٹو: فائل

---

سابق وزیراعظم بینظیر بھٹو کے قتل کیس میں نامزد تمام ملزمان نے اپنی صفائی کے بیانات پیر کو ریکارڈ کرا دیے۔

بینظیر بھٹو کے قتل کیس میں نامزد تمام ملزمان ڈی آئی جی سعود عزیز،ایس پی خرم شہزاد،اعتزاز شاہ،شیر زمان، رفاقت، حسنین اور عبدالرشید نے اپنی صفائی کے بیانات پیر کو ریکارڈکرا دیے۔

انسداد دہشت گردی کی خصوصی عدالت کے جج محمد اصغر خان نے مقدمے کی سماعت موسم گرما کی چھٹیوں کے باعث 21 اگست تک ملتوی کرتے ہوئے آئندہ تاریخ سے مقدمے کی روزانہ کی بنیاد پر سماعت کا فیصلہ سنا دیا ہے۔عدالت نے فریقین کو آئندہ تاریخ سے حتمی بحث شروع کرنے کے احکام بھی دیے ہیں۔