وفاق کا سندھ حکومت کو مردم شماری تفصیلات فراہم کرنے سے انکار

مردم شماری ڈیٹا خفیہ رکھنے کے پابند ہیں، قانون میں ترمیم کے بغیر کوئی ریکارڈ فراہم نہیں کر سکتے، آصف باجوہ۔ فوٹو : فائل

---

ISLAMABAD: وفاقی ادارہ شماریات کے سربراہ آصف باجوہ نے سندھ حکومت کو مردم شماری کی تفصیلات فراہم کرنے سے انکار کردیا ہے۔

ایکسپریس نیوز کے مطابق ملک بھر میں ہونے والی حالیہ مردم شماری نتائج پر وفاق اور سندھ حکومت میں اختلافات برقرار ہیں اور ایک بار پھر وفاق نے سندھ کو مردم شماری کی تفصیلات فراہم کرنے سے انکار کردیا ہے۔

اس خبرکوبھی پڑھیں: سندھ حکومت نے مردم شماری کے نتائج مسترد کردئیے

چیف شمارت آصف باجوہ نے تفصیلات فراہم کرنے سے معذرت کرتے ہوئے کہا ہے کہ سندھ حکومت نے فارم 2 اور مردم شماری بلاکس کا ریکارڈ مانگا تھا تاہم ہم مردم شماری ڈیٹا کو خفیہ رکھنے کے پابند ہیں اور قانون میں ترمیم کے بغیر کسی کو بھی کوئی ریکارڈ فراہم نہیں کیا جاسکتا۔

اس خبرکوبھی پڑھیں: مردم شماری کے نتائج کو صوبائیت کا رنگ نہ دیا جائے