کترینہ کی فلم ’’ٹھگ آف ہندوستان‘‘ کی ڈانس ویڈیو وائرل

 ممبئی: بالی ووڈ کی باربی ڈول کترینہ کیف کی ’کالا چشمہ‘ کی ویڈیو کے بعد ایک اور ڈانس ویڈیو سوشل میڈیا پر وائرل ہو گئی۔

بالی ووڈ میں باربی ڈول کے نام سے پہچانی جانے والی کترینہ کیف ایکشن سے بھرپور فلمیں اور خطرناک اسٹنٹ کرنے کی وجہ سے مداحوں کی پسندیدہ اداکارہ سمجھی جاتی ہیں لیکن بات اگر رقص کی کریں تو رقص میں اُن کا کوئی ثانی نہیں کیوں کہ ڈانس ’کملی کملی‘ گانے پر ہو یہ ’کالا چشمہ‘ پر لیکن کترینہ  اپنے رقص سے سب ہی کو اپنا گرویدہ بنا دیتی ہیں او راب اُن کی ایک اور ڈانس ویڈیو نے سوشل میڈیا پر ہلچل مچادی ہے۔

Katrina Kaif at #ThugsofHindostan dance rehearsals (2/2) pic.twitter.com/DR9bbu8zsV

— Katrina Kaif Online (@KatrinaKaifFB) February 1, 2018

بھارتی میڈیا رپورٹس کے مطابق فلم ’ ٹائیگر زندہ ہے‘ کی کامیابی کے بعد بالی ووڈ باربی ڈول کترینہ کیف آج کل عامر خان کی فلم ’ٹھگ آف ہندوستان‘ کی شوٹنگ میں مصروف ہیں۔ فلم میں اپنی حقیقی اداکاری کے ساتھ اپنے ڈانس سے مداحوں کا لہو گرما دینے والی کترینہ کیف نے سماجی رابطے کی ویب سائٹ ٹوئٹر پر اپنے ڈانس پریکٹس کی ویڈیو پوسٹ کی جو سوشل میڈیا پر وائرل ہو گئی۔

Katrina Kaif at #ThugsofHindostan dance rehearsals (1/2) pic.twitter.com/qpSuLm0yiE

— Katrina Kaif Online (@KatrinaKaifFB) February 1, 2018

یش راج کے بینر تلے بننے والی فلم ’ٹھگ آف ہندوستان ‘میں کترینہ کیف ایک گانے پر ڈانس کرنے کے لیے آج کل خوب محنت کر رہی ہیں اور انہوں نے ڈانس کو اچھے سے اچھا کرنے کے لیے کوریوگرافر منوش نندن کی مدد بھی حاصل کی ہوئی ہے۔

Katrina Kaif returns to Instagram with this video! pic.twitter.com/sU125tWhro

— Katrina Kaif Online (@KatrinaKaifFB) February 1, 2018

واضح رہے کہ 7 نومبر کو ریلیز ہونے والی فلم ’ٹھگ آف ہندوستان ‘ میں پہلی بار امیتابھ بچن اور عامر خان ایک ساتھ جلوہ گر ہوں گے جب کہ فلم میں ان کے مد مقابل کترینہ کیف اور فاطمہ ثناء شیخ مرکزی کردار ادا کرتی دکھائی دیں گی۔