- وزیر خزانہ محمد اورنگزیب کی چینی ہم منصب سے ملاقات، سی پیک کے دوسرے مرحلے کیلیے عزم کا اظہار
- پولیس سرپرستی میں اسمگلنگ کی کوشش؛ سندھ کے سابق وزیر کی گاڑی سے اسلحہ برآمد
- ساحل پر گم ہوجانے والی ہیرے کی انگوٹھی معجزانہ طور پر مل گئی
- آئی ایم ایف بورڈ کا شیڈول جاری، پاکستان کا اقتصادی جائزہ شامل نہیں
- رشتہ سے انکار پر تیزاب پھینک کر قتل کرنے کے ملزم کو عمر قید کی سزا
- کراچی؛ دو بچے تالاب میں ڈوب کر جاں بحق
- ججوں کے خط کا معاملہ، اسلام آباد ہائیکورٹ نے تمام ججوں سے تجاویز طلب کرلیں
- خیبرپختونخوا میں بارشوں سے 36 افراد جاں بحق، 46 زخمی ہوئے، پی ڈی ایم اے
- انٹربینک میں ڈالر کی قدر میں تنزلی، اوپن مارکیٹ میں معمولی اضافہ
- سونے کے نرخ بڑھنے کا سلسلہ جاری، بدستور بلند ترین سطح پر
- گداگروں کے گروپوں کے درمیان حد بندی کا تنازع؛ بھیکاری عدالت پہنچ گئے
- سائنس دانوں کی سائبورگ کاکروچ کی آزمائش
- ٹائپ 2 ذیا بیطس مختلف قسم کے سرطان کے ساتھ جینیاتی تعلق رکھتی ہے، تحقیق
- وزیراعظم کا اماراتی صدر سے رابطہ، موسمیاتی تبدیلی سے نمٹنے کے لیے مشترکہ اقدامات پر زور
- پارلیمنٹ کی مسجد سے جوتے چوری کا معاملہ؛ اسپیکر قومی اسمبلی نے نوٹس لے لیا
- گزشتہ ہفتے 22 اشیا کی قیمتیں بڑھ گئیں، ادارہ شماریات
- محکمہ موسمیات کی کراچی میں اگلے تین روز موسم گرم و مرطوب رہنے کی پیش گوئی
- بھارت؛ انسٹاگرام ریل بنانے کی خطرناک کوشش نے 21 سالہ نوجوان کی جان لے لی
- قطر کے ایئرپورٹ نے ایک بار پھر دنیا کے بہترین ایئرپورٹ کا ایوارڈ جیت لیا
- اسرائیلی بمباری میں 6 ہزار ماؤں سمیت 10 ہزار خواتین ہلاک ہوچکی ہیں، اقوام متحدہ
شرابی سلمان خان کو شہریوں کوگاڑی تلے کچلنے پر 5 سال کی جیل
ممبئی: بھارتی عدالت نے سپر اسٹار سلمان خان کو ایک شخص کےغیر ارادی قتل کا مجرم قرار دیتے ہوئے 5 سال قید کی سزا سنادی تاہم انہیں 2 دن کی عبوی ضمانت مل گئی ہے۔
بھارتی میڈیا کے مطابق ممبئی کی عدالت نے اپنے فیصلے میں قرار دیا ہے کہ واقعے کے وقت سلمان خان ہی گاڑی چلا رہے تھے اور وہ اس وقت نشے کی حالت میں تھے۔ مقدمے میں ان کے خلاف تمام الزامات ثابت ہوچکے ہیں اس لئے انہیں ایک شخص کے غیر ارادی قتل کا مجرم قرار دیتے ہوئے 5 سال قید کی سزا دی جاتی ہے۔ فیصلہ سننے پر سلمان خان کی آنکھوں میں آنسو آگئے اور ان کی بہنیں زار قطار رونے لگیں۔ بڑے بھائی کو 5 سال قید کا صدمہ سہیل خان برداشت نہ کرسکے اور ان کی طبیعت اچانک بگڑی گئی اور وہ بے ہوش ہوگئے۔
28 ستمبر 2002 کی رات ممبئی کے علاقے باندرہ میں سلمان خان کی گاڑی بے قابو ہوکر فٹ پاتھ پر چڑھ گئی تھی جس کے نتیجے میں فٹ پاتھ پر سوئے 5 افراد کچلے گئے تھے۔ جن میں ایک نور اللہ خان نامی شخص ہلاک جب کہ 4 زخمی ہوگئے تھے۔ سلمان خان کا موقف ہے کہ حادثے کے وقت نہ تو وہ نشے میں تھے اور نہ ہی گاڑی چلا رہے تھے. ان کی گاڑی اشوک نامی ڈرائیور چلا رہا تھا،جس آدمی کی موت ہوئی وہ گاڑی کی ٹکر سے نہیں مرا بلکہ کرین سے گاڑی اٹھاتے وقت زخمیوں پر گاڑی گر جانے سے ہلاک ہوا۔
واقعے کی تحقیقات کے دوران سلمان خان کی سیکیورٹی پر مامور پولیس اہلکار نے اپنے بیان میں کہا تھا کہ اداکار نشے میں اپنی گاڑی پر قابو نہ رکھ سکے تھے تاہم سلمان خان کے خلاف بیان دینے والا پولیس اہلکار بھی طبعی موت مرچکا ہے۔ سلمان خان کے ڈرائیور اشوک عدالت کے سامنے اپنے بیان میں خود ڈرائیونگ سیٹ پر ہونے کا اعتراف کرتے ہوئے کہہ چکا ہے کہ پولیس اس پر یقین ہی نہیں کر رہی لیکن حقیقت یہ ہی ہے کہ اس دن گاڑی وہ ہی چلا رہا تھا۔
سلمان خان بھارتی ریاست مدھیہ پر دیش کے شہر اندورمیں 27 دسمبر1965 کو بالی ووڈ کے معروف مصنف سلیم خان کے گھر آنکھ کھولی اور ان نام عبدالرشید سلیم خان رکھا گیا لیکن فلمی دنیا میں وہ سلمان خان کے نام سے مشہور ہوئے، سلمان خان کے دوبھائی اربازخان اور سہیل خان بھی فلموں میں اداکاری کے جوہر دکھا چکے ہیں لیکن اب فلم پروڈکشن سے وابستہ ہیں جب کہ سلمان خان کی دوبہنیں ہیں جس میں ایک الویرہ خان اور اورلے پالک ارپیتاخان ہیں۔
سلومیاں نے اپنے فلمی کیرئیر کا آغاز1988میں فلم بیوی ہو تو ایسی سے کیا تاہم ان کو پہلی کامیابی 1989 میں ریلیز ہونے والی فلم ’’میں نے پیار کیا‘‘ سے ملی ، بالی ووڈ کے دبنگ خان نے اپنے فلمی کیرئیر میں کئی عروج زوال دیکھے اورایک وقت وہ بھی آیا جب بالی ووڈ میں ان کی پہچان کم ہونے لگی تاہم اگست 2003 میں ریلیزہونے والی فلم ’’تیرے نام ‘‘کی کامیابی سے واپس انڈسٹری میں قدم جمانے والے سلمان خان نے اس کے بعد پیچھے مڑ کر نہیں دیکھا اور ایک کے بعدایک بلاک بسٹر فلموں میں اپنی اداکاری کے جوہر دکھاتے رہے۔
بالی ووڈ اسٹار کی فلم ’’دبنگ‘‘،’’وانٹڈ‘‘،’’باڈی گارڈ‘‘ ،’’پارٹنر‘ اور’’ کک ‘‘ نے دنیا بھر میں کامیابی کے جھنڈے گاڑے جس میں ان کی اداکاری کو شائقین نے بے حد سراہا ہے۔
بھارتی فلم انڈسٹری میں غیر ملکی اداکاراؤں کو متعارف کرانے کا سہرابھی سلمان خان کو جاتا ہے ان کی متعارف کرائی گئی ادکاراؤں کا شمار بالی ووڈ کی صف اول کی اداکاراؤں میں ہوتا ہے جن میں بالی ووڈ کی باربی ڈول کترینہ کیف ،جیکولین فرنینڈس سمیت دیگر شامل ہیں۔
دبنگ خان کا شمار بھارتی فلم انڈسٹری کے مہنگے ترین اداکاروں میں ہوتا ہے اور بالی ووڈ کو 100 کروڑ سے زائدکمانے والی فلموں کا رجحان بھی سلمان خان نے ہی دیا جب کہ سلمان خان ایک فلم کا معاوضہ 50 کروڑ اورچھوٹی اسکرین پر صرف ایک شو کا معاوضہ 5 کروڑ سے زائد وصول کرتے ہیں۔
بالی ووڈ نگری ابھی سنجے دت کے جیل جانے سے ہونے والے مالی نقصان سے نہیں سنبھلی تھی کہ ایک بڑا جھٹکا لگ گیا۔ سلو میاں کی دو فلمیں ’بجرنگی بھائی جان‘ اور ’پریم رتن دھن پایو‘ شوٹنگ کے آخری مراحل میں ہیں اور فلمی پنڈتوں کے اندازوں کے مطابق ان فلموں پر 170 کروڑ روپے داؤ پر لگے ہیں جب کہ اشتہارات میں بھی سلمان خان کانام خوب بکتاہے، سپراسٹارکم از کم 10 بڑی کمپنیوں کے اشتہارات میں جلوے دکھارہے ہیں جن کی مالیت 200 کروڑ روپے بتائی جاتی ہے۔
بالی ووڈ ایکشن ہیرو سلمان خان عرف دبنگ خان کو دی جانے والی 5 سال کی قید پر بالی ووڈ کے ستارے ماند پڑگئے اور اپنی ٹوئیٹس میں اداس رد عمل کا اظہار کرنے لگے۔ بالی ووڈ لیجنڈ رشی کپور نے کہا ہے کہ اس مشکل وقت میں کپور خاندان ، خان کی فیملی کے ساتھ ہے۔
The Kapoors are with the Khans in their difficult time. Time is the biggest healer. God Bless!
— rishi kapoor (@chintskap) May 6, 2015
مشہور ٹینس اسٹار ثانیہ مرزا نے اداسی بھرے لہجے میں سلمان خان کی سزا سے متعلق ٹویٹ کرتے ہوئے لکھا کہ میرے پاس اس کے سوا کچھ کہنے کے لیے نہیں کہ اپنے آپ کو سنبھالو اور اپنے حوصلے کو قائم رکھو جیسے تم ہمیشہ سے ہو۔
بالی ووڈ ڈائریکٹر کرن جوہر نے کہا کہ میں صرف جذباتی بیان ہی دے سکتا ہوں اور وہ یہ ہے کہ میری دعائیں سلمان اور اس کے خاندان کے ساتھ ہیں اور میں انھیں ثابت قدم رہنے کی تلقین کرتا ہوں۔
I can only respond emotionally just now…my thoughts and prayers are with Salman and his family today….I wish them strength….
— Karan Johar (@karanjohar) May 6, 2015
واضح رہے کرن جوہر نے اپنی آنے والی فلم “شدھی” میں سلمان خان کو کاسٹ کیا تھا۔
بپاشا باسو نے اپنی ٹویٹ میں کہا کہ سلمان خان فلم انڈسٹری کا سب سے عمدہ انسان ہے میری دعائیں اس کے ساتھ ہیں ۔
@BeingSalmanKhan is the nicest human being in this business. Wish all our Prayers and love help him in this difficult time. Deeply saddened.
— Bipasha Basu (@bipsluvurself) May 6, 2015
دیا مرزا نے انکشاف کرتے ہوئے بتایا کہ سلمان وہ شخص ہے جس نے میری ماں کی جان بچائی تھی جو میں کبھی نہیں بھولوں گی۔
He is the man that saved my Mothers life. That I will never forget. #SalmanKhan
— Dia Mirza (@deespeak) May 6, 2015
بھارتی میڈیا کے مطابق ریاست بہارکے شہرپٹنہ کی رہائشی سر جڑی بہنوں صبا اور فرح نے بالی ووڈ اسٹار سلمان خان کی سزا کے خلاف بھوک ہڑتال شروع کردی ہے۔ جڑواں بہنوں کے والد شکیل احمد کا کہنا تھا کہ سلمان خان دونوں بہنوں کے پسندیدہ اداکار ہیں ان کے خلاف عدالتی فیصلہ آنے پر دکھی اور صدمے سے دوچار ہیں جب کہ دونوں بہنوں نے دوپہر سے کھاناپینا بھی چھوڑدیا ہے تاہم دونوں بالی ووڈ اسٹارکی رہائی کے لئے دعاگوبھی ہیں۔
واضح رہے کہ بھارتی ریاست راجستھان کی ایک عدالت سلمان خان کو نایاب نسل کے کالے ہرن کے شکار کے الزام میں 5 برس قید کی سزا بھی سناچکی ہے تاہم اس فیصلے کے خلاف اپیل اعلیٰ عدالت میں زیر سماعت ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔