امیتابھ بچن کا معروف بھارتی سماجی کارکن کو انوکھا تحفہ

امیتابھ بچن صفائی مہم’سوئچ بھارت ابھیان‘کے بہت بڑے سپورٹر ہیں؛ فوٹوفائل

---

RAWALPINDI/ KARACHI/ LAHORE/PESHAWAR: بالی ووڈ سپراسٹارامیتابھ بچن صرف فلموں کے ہی نہیں بلکہ دلوں کے بھی شہنشاہ ہیں جب ہی توانہوں نے بھارت میں صفائی مہم میں اپنا حصہ ڈالتے ہوئے ٹریکٹر اور ایکزاویٹرتحفے میں دے دیا۔

بھارتی میڈیا کے مطابق اداکار امیتابھ بچن بھارتی وزیراعظم نریندرمودی کی صفائی مہم'سوئچ بھارت ابھیان' کے بہت بڑے حمایتی ہیں۔ صفائی مہم کی حمایت میں ایک قدم اور آگے بڑھتے ہوئے بگ بی نےممبئی کے ساحل کی صفائی کے لیے مقامی سماجی کارکن اور ماہر ماحولیات افروز شاہ کو ٹریکٹراورایکزاویٹر تحفے میں دیا ہے۔

اس خبرکوبھی پڑھیں: امیتابھ بچن کی بیٹیوں سے متعلق سوشل میڈیا پوسٹ کے چرچے

بگ بی نے ٹوئٹر پر ٹریکٹر گفٹ کرتے ہوئے تصاویر شیئر کی ہیں اور لکھا ہے'ورسوا ساحل کی صفائی جیسے عظیم کام کے لیے ٹریکٹر اورایکزاویٹر کا تحفہ دینے کی خوشی زندگی کا تسلی بخش تجربہ ہے'۔

T 2755 - The joy of gifting for a cause as noble as the one I did today is the most satisfying experience of life .. !! Gifted an Excavator and a Tractor for Versova Beach clean up .. !! pic.twitter.com/j5DLLndE9s

— Amitabh Bachchan (@SrBachchan) December 28, 2017

دوسری جانب ماہرماحولیات افروز شاہ نے بھی تصاویر ٹوئٹ کی ہیں اورامیتابھ بچن کے کام کو سراہتے ہوئے کہا ہے کہ'ہمارے پیارے بچن سرنے ہمیں ٹریکٹراورایکزاویٹرکا تحفہ دیا ہے ہم ان سے ہمارا ہاتھ مضبوطی سے تھامنے کے لیے بے حد پیار کرتے ہیں، سراس لڑائی میں ہمارے لیے آپ روشنی کا سرچشمہ ہیں'۔

Week 115 - Marine Litter chronicle.

Our dear @SrBachchan gifted us a Jungli excavator and tractor by @escortsgroup

Today the engines were fired by him. Love and love and love for holding our hands tight. Sir , you are a torch of light in this fight to #BeatPollution . pic.twitter.com/0PKSG46Cvx

— Afroz shah (@AfrozShah1) December 28, 2017

واضح رہے کہ افروز شاہ کو ممبئی کے ساحل کی صفائی کے لیے کوششوں پر بھارت بھر میں پہچانا جاتا ہے۔