لیور پول کے مصری اسٹار فٹبالر محمد صلاح نے تحفے کے بدلے میں اپنی شرٹ ایک خاتون شائق کو دے دی۔

میچ کے اختتام پر فیلڈ کی جانب آتے ہوئے محمد صلاح اسٹینڈ کی اگلی رو میں بیٹھی ایک خاتون کی جانب گئے اور اپنی شرٹ اس کے حوالے کی جس نے بدلے میں انھیں ایک گفٹ دیا جس کی تفصیل سامنے نہیں آئی، مذکورہ خاتون نے عربی میں لکھے گئے ایک سائن کارڈ سے صلاح کو اپنی جانب متوجہ کیا تھا۔

خیال رہے کہ ریڈ اسٹار بلغراد کے خلاف چیمپئن لیگ میچ میں ان کے 2گولز کی بدولت ٹیم نے ہوم گراؤنڈ پر 4-0 سے کامیابی حاصل کی۔