شاہ پورچاکر میں بجلی کا شدید بحران شہری بے حال

شہریوں کا کہنا تھا کہ غیر اعلانیہ لوڈشیڈنگ کی اصل وجہ حیسکو عملے کی بدعنوانیوں کو چھپانا ہے۔ فوٹو: فائل

---

شاہ پورچاکر علاقوں کھڈرو سرہاری، چودگی، مقصودو رند، پرتیم آباد درداری فاری چک نمبر 25 جھمڑاؤ دیگر علاقوں میں بجلی کی علانیہ وغیر علانیہ لوڈشیڈنگ کا سلسلہ دھڑلے سے جاری ہے۔

دن اور رات کے دوران صرف چند گھنٹے ہی بجلی رہتی ہے۔ معلومات کرنے پر حیسکو عملہ کبھی مین سپلائی کا بندہونا بتاتا ہے اور کبھی فالٹ کا کہہ دیا جاتا ہے۔ شہریوں کا کہنا تھا کہ غیر اعلانیہ لوڈشیڈنگ کی اصل وجہ حیسکو عملے کی بدعنوانیوں کو چھپانا ہے۔



حیسکو کے کرپٹ عملے نے رشوت لے کر ناجائز کنکشن دے رکھے ہیں جس سے گرڈ اسٹیشن میٹر ریڈنگ بڑھ جاتی ہیاور اس بڑھتی ہوئی ریڈنگ کو پورا کرنے کے لیے بجلی بار بار بند کر دی جاتی ہے۔ شاہ پورچاکر اور نواح کے علاقوں میں بجلی نہ ہونے سے لوگوں کو پینے کا پانی کے حصول میں بھی دشواریوں کا سامنا ہے جبکہ حکومت نے اعلان کیا تھا کہ رمضان المبارک کے مقدس ماہ میں بجلی کی لوڈشیڈنگ کم سے کم کی جائے گی۔