ہندوستان ٹائمز کی آرمی چیف جنرل قمر جاوید باجوہ سے متعلق خبر بے بنیاد ہے آئی ایس پی آر

دونوں ملکوں کے درمیان بات چیت کا اختیار صرف حکومتوں کو حاصل ہے، ترجمان پاک فوج(فوٹو: فائل)

---

ڈی جی آئی ایس پی آر میجر جنرل آصف غفور کا کہنا ہے کہ آرمی چیف جنرل قمر جاوید باجوہ نے بھارتی ہم منصب سے رابطے کی کبھی کوئی کوشش نہیں کی جب کہ اس حوالے سے ہندوستان ٹائمز کی خبر بے بنیاد اور من گھڑت ہے۔

ایکسپریس نیوز کے مطابق بھارتی میڈیا کی جانب سے پاکستان کے خلاف مسلسل جھوٹا پروپیگنڈا جاری ہے اور ہندوستان ٹائمز کی پاکستانی آرمی چیف جنرل قمر جاوید باجوہ سے متعلق ایک اور جھوٹی خبر سامنے آئی ہے جس میں کہا گیا ہے کہ پاکستانی آرمی چیف نے بھارتی ہم منصب سے بات چیت کے لیے رابطے کی کوشش کی ہے۔

پاک فوج کے شعبہ تعلقات عامہ (آئی ایس پی آر) کے مطابق ترجمان پاک فوج میجر جنرل آصف غفور نے ہندوستان ٹائمز کی خبر پر ردعمل کا اظہار کرتے ہوئے کہا ہے کہ آرمی چیف جنرل قمر جاوید باجوہ نے بھارتی ہم منصب سے رابطے کی کبھی کوئی کوشش نہیں کی اور نہ ہی دونوں آرمی چیفس نے کانگو میں اقوام متحدہ کے امن مشن میں اکٹھے نوکری کی۔

Hindustan Times reports that COAS had approached Indian COAS for talks & that both had served together in Congo. Story is factually incorrect. COAS has neither approached Indian COAS nor has served with him in Congo. Decision for talks is prerogative of both the govts.@htTweets

— DG ISPR (@OfficialDGISPR) January 24, 2019

ترجمان پاک فوج نے مزید کہا ہے کہ ہندوستان ٹائمز کی آرمی چیف جنرل قمر جاوید باجوہ کے حوالے سے خبر غلط ہے، دونوں ممالک کے درمیان بات چیت کا اختیار صرف حکومتوں کو حاصل ہے۔