پی سی بی چیف ایگزیکٹو کے عہدے کیلیے آئینی تبدیلی کی منظوری لی جائے گی

نیپرا نے بجلی کی قیمت میں 81 پیسے فی یونٹ اضافے کی منظوری دی

---

پی سی بی گورننگ بورڈ اجلاس میں چیف ایگزیکٹو کا عہدہ تخلیق کرنے کے لیے آئینی تبدیلی کی منظوری لی جائے گی۔

پی سی بی گورننگ بورڈ کے آئندہ اجلاس میں منیجنگ ڈائریکٹر وسیم خان کو چیف ایگزیکٹو بنانے کے لیے آئین میں تبدیلی کی منظوری لی جائے گی،اس سے قبل یہ عہدہ آئین میں موجود نہیں ہے،چیئرمین پی سی بی واضح طور پر کہہ چکے ہیں کہ کرکٹ کھیلنے والے ملکوں کے بورڈز کے معاملات چیف ایگزیکٹوز ہی چلاتے ہیں، انتظامی امور میں چیئرمین کا کوئی کردار نہیں ہونا چاہیے۔

وسیم خان کی بطور ایم ڈی تعیناتی کے وقت بھی انہوں نے چیف ایگزیکٹو کا عہدہ تخلیق کرنے کے لیے آئین میں تبدیلی کا عندیہ تھا، پی سی بی گورننگ بورڈ کا 53 واں اجلاس 17 اپریل کو کوئٹہ میں ہوگا۔

ذرائع کے مطابق اجلاس میں ارکان کو قومی ٹیم کی ورلڈکپ کے لیے تیاریوں، ڈومیسٹک کرکٹ کے نئے اسٹرکچر سمیت مختلف امور میں ہونے والی پیش رفت سے آگاہ کرتے ہوئے تجاویز طلب کرنے کے ساتھ چیف ایگزیکٹو کا عہدہ متعارف کروانے کے لیے آئین میں تبدیلیوں کی منظوری بھی لی جائے گی، یہ مرحلہ مکمل ہونے کے بعد مینجنگ ڈائریکٹر وسیم خان وسیع اختیارات کے ساتھ چیف ایگزیکٹو کا عہدہ سنبھال لیں گے۔