فنکاروں کی صلاحیتوں کو بین الاقوامی سطح پر اجاگر کرنے کیلئے پالیسی بنائی جائے شان

نوجوانوں کوایسا پلیٹ فارم مہیا کیا جائے جہاں وہ اپنا ٹیلنٹ ظاہر کرسکیں۔ اداکار شان فوٹوفائل

---

اداکار شان نے وزیر اعظم عمران خان سے اپیل کی ہے کہ وہ فنکاروں کی صلاحیتوں کو بین الاقوامی سطح پر اجاگر کرنے کے لیے پالیسی بنائیں۔

اداکار شان کا ٹوئٹر پر حکومت کے بلین ٹری منصوبے کو سراہتے ہوئے کہنا کہ جس طرح ہم نے صاف ہوا کے حصول کے لیے درخت لگائے، میری خواہش ہے کہ اسی طرح ہم صلاحیتوں کو بھی نکھاریں۔ سوچیں جب گلوکار، فنکار، موسیقار، اسکالرز اور شاعر جیسے لوگ ہوں گے تو ہمارے ارد گرد کتنی تخلیقی صلاحتیں ہوں گی۔ ہمارے نوجوانوں کو ایسا پلیٹ فارم مہیا کیا جائے جہاں وہ اپنی صلاحیتوں کا مظاہرہ کرسکیں۔

Marvellous intiative by the govt to plant trees as they are what we breath. but I wish we can plant talent as well singers , artists , musicians, scholars & poets . Imagine the breathable creativity all around us. Give platforms to the youth where they can showcase there talent

— Shaan Shahid (@mshaanshahid) April 10, 2019

اداکار شان نے وزیر اعظم عمران خان سے اپیل کرتے ہوئے کہا کہ آپ پاکستان کو دنیا بھر میں اجاگر کرنے کے لیے جو جنگ لڑ رہے ہیں اس کا ہمیں احساس ہے، لیکن آپ ہمارے نوجوانوں کی صلاحیتوں اور ان میں موجود توانائی کو نظر انداز نہ کریں جو آپ کی اور حکومت کی جانب سے کسی ایسی پالیسی کے منتظر ہیں جس سے ان کی صلاحتیں بین الاقوامی سطح پر اجاگر ہوں۔

اس خبرکوبھی پڑھیں: پاکستان میں گمنام لیکن ہالی ووڈ میں دھوم مچانے والے فنکار

Dear PM ,sir we realise the battles you are fighting to keep Pakistan on the rise .but sir you must not ignore the potential of the artistic youth it is full of energy and waiting for your nod the nod of govt policy.Give us the power to deliver a new market for 🇵🇰... continued pic.twitter.com/oixgWxXtMR

— Shaan Shahid (@mshaanshahid) April 10, 2019

شان نے ایک اور ٹوئٹ میں کہا کہ پاکستان کے پاس انتہائی کم لاگت میں فلمیں بنانے کی صلاحیت موجود ہے۔ امریکا، ترکی، بھارت، ایران اوربرطانیہ سمیت دنیا کی بڑی فلمی صنعتوں کو کم لاگت میں فلمیں بنانے والوں کی ضرورت ہے، وہ کم خرچ کی جانب راغب ہوتی ہیں اور ہم انہیں یہ فراہم کرسکتے ہیں۔ ہمیں ایک دوسرے کی ضرورت ہے آئیے مل کر دماغی روابط تخلیق کریں تاکہ آئیڈیا اور پالیسیز ایک دوسرے تک پہنچ سکیں۔

Sir Pakistan is the lowest in cost in the world ,when it comes to making films . 🇺🇸 🇨🇳 🇮🇳 🇮🇷 🏴󠁧󠁢󠁥󠁮󠁧󠁿 all these giant film industries needs low cost solutions. and we can give them that. in 5 years new digital content revolution will start and we need to have 65% of that share

— Shaan Shahid (@mshaanshahid) April 10, 2019