ہیری اور میگھن کے مجسمے شاہی خاندان کے مجسموں سے جدا کر دیئے گئے

شاہی خاندان کے مجسموں کے ساتھ ہیری اور میگھن کے مجسموں کو علیحدہ کردیا گیا (فوٹو : ٹویٹر)

---

NEW DELHI: شہزادہ ہیری اور ان کی اہلیہ کی شہزادی میگھن کی جانب سے شاہی عہدوں سے دست برداری کے اعلان کے بعد مادام تساؤ میوزیم میں رکھے شاہی خاندان کے مجسموں سے شاہی جوڑے کے مجسموں کو علیحدہ کر دیا گیا۔

بین الاقوامی خبر رساں ادارے کے مطابق شہزادہ ہیری اور شہزادی میگھن نے گزشتہ روز اچانک سوشل میڈیا پر شاہی عہدوں سے دست برداری اور خود مختار ہونے کا اعلان کرکے سب کو حیران کردیا تھا، یہ اعلان اتنا اچانک کیا گیا تھا کہ شاہی خاندان کو معاملہ سنبھالنے کے لیے وقت بھی بھی نہ مل سکا۔

یہ پڑھیں : برطانوی شاہی جوڑے کا اعلیٰ شاہی حیثیت سے دستبرداری کا اعلان

دست برداری کے اعلان کے بعد شہزادی میگھن کینیڈا چلی گئیں جب کہ شہزادہ ہیری اب بھی لندن میں ہی موجود ہیں، شاہی خاندان نے اس حساس معاملے پر موقف دینے کے لیے سر جوڑ لیے ہیں اور اس حوالے سے ہی جلد متفقہ اور اہم فیصلے سے دنیا کو آگاہ کیا جائے گا۔

We’ve got to respect their wishes 🤷‍♂️ #Megxit pic.twitter.com/mb936VcqRd

— Madame Tussauds London (@MadameTussauds) January 9, 2020

ادھر لندن کے معروف میوزیم مادام تساؤ کی انتظامیہ نے شاہی خاندان کے عہدوں سے دست برداری کے اعلان کے بعد شہزادہ ہیری اور شہزادی میگھن کے مجسموں کو شاہی خاندان کے مجسموں سے دور کردیا ہے جسے باضابطہ طور پر شہزادہ ہیری اور شہزادی میگھن کے شاہی خاندان سے علیحدگی کا پہلا اعلان بھی کہا جاسکتا ہے۔