بھارت نے لائن آف کنٹرول پر فوجی گشت بڑھا دی دراندازی پر ڈرون حملہ بھی کیا جائیگا

بھارت نے ایل اوسی کی نگرانی کیلیے ڈرون پروازیں بھی شروع کر رکھی ہیں۔ فوٹو: فائل

---

بھارت نے ایل او سی پر سی سی ٹی وی کیمروں کی تنصیب کے بعدگشت بھی اضافہ کرتے ہوئے دعویٰ کیا ہے کہ پاکستان سے دراندازی روکنے کیلیے گشت لازمی ہے۔

غیرملکی میڈیا کے مطابق بھارتی بارڈر سیکیورٹی فورس کی گشتی نفری میں اضافہ کرکے24 گھنٹے ایل او سی پر گشت کیا جارہا ہے۔ پونچھ اور دیگر سرحدی علاقوں میں ہزاروں سی سی ٹی وی کیمروں کی تنصیب جاری ہے۔



میڈیا رپورٹ کے مطابق ایل اوسی پرفوجی گشت کریں گے اورسی سی ٹی وی کیمروں کے ذریعے دراندازی کرنیوالوں کو دیکھا جائیگا اور پھردراندازوں کوفوجی نشانہ بنائینگے یا ڈرون حملہ کردیا جائیگا۔ بھارت نے ایل اوسی کی نگرانی کیلیے ڈرون پروازیں بھی شروع کر رکھی ہیں۔