پرویزمشرف اسپتال میں زیرعلاج ہیں کل عدالت میں پیش ہونا مشکل ہے احمد رضا قصوری

آل پاکستان مسلم لیگ اور سول سوسائٹی آج پرویز مشرف کے حق میں ریلی نکالے گی، وکیل پرویز مشرف۔ فوٹو: ایکسپریس نیوز/فائل

---

سابق صدف پرویز مشرف کے وکیل احمد رضا قصوری کا کہنا ہے کہ پرویز مشرف اسپتال میں زیر علاج ہیں جس کے باعث ان کا کل عدالت میں پیش ہونا مشکل ہے۔

ایکسپریس نیوز سے گفتگو کرتے ہوئے احمد رضا قصوری کا کہنا تھا کہ پرویز مشرف عدالتوں میں پیش ہونے سے نہیں ڈرتے، وہ اسپتال میں زیر علاج ہیں اس لئے ان کا کل عدالت میں پیش ہونا مشکل ہے، ہم پرویز مشرف سے مسلسل رابطے میں ہیں۔ انہوں نے کہا کہ سابق صدر کے آج مزید ٹیسٹ ہوں گے جس کے بعد ڈاکٹر فیصلہ کریں گے کہ وہ کل عدالت میں پیش ہوں گے یا نہیں۔ احمد رضا قصوری کا یہ بھی کہنا تھا کہ آل پاکستان مسلم لیگ اور سول سوسائٹی آج پرویز مشرف کے حق میں ریلی نکالے گی۔

واضح رہے کہ سابق صدر پرویز مشرف گزشتہ کئی روز سے راولپنڈی کے آرمڈ انسٹیٹوٹ آف کارڈیالوجی میں ریز علاج ہیں جب کہ خصوصی عدالت نے پرویز مشرف کو غداری کے مقدمے میں 16 جنوری کو پیش ہونے کا حکم دے رکھا ہے۔