پڑوسی کے گھر انڈے پھینکنے کا الزام‘ جسٹن بیبر کے گھر پر پولیس کا چھاپہ

پچھلے برس بھی جسٹن بیبر کو اپنے پڑوس میں تیز رفتار ی سے کار دوڑانے اور ہمسائے پر تھوک پھینکنے جیسے الزامات کا سامنا کرنا پڑا۔ فوٹو: فائل

---

پاپ گلوکار جسٹن بیبر کے ستارے آج کل گردش میں ہیں۔ اپنے پڑوسی کے گھر پر انڈے پھینکنے کے الزام میں بیبر کے گھر پر چھاپہ پڑا۔

منشیات ملنے پر بیبر کے دوست کو گرفتار کرلیا گیا۔ترجمان لاس اینجلس کاونٹی شیرف کے مطابق منگل کی صبح جسٹن بیبر کے کیلی فورنیا میں واقع گھر کی تلاشی لی گئی۔ترجمان کے مطابق جسٹن بیبر کو اپنے پڑوسی کے گھر پر انڈے پھینکنے کے الزام کا سامنا ہے۔اس چھاپے اور تلاشی کے موقع پر نامور گلوکار سے بھی پوچھ گچھ کی گئی۔



اس موقع پر گھر میں موجود جسٹن بیبر کے دوست لی زا کے قبضے سے کوکین برآمد ہوئی جس پر اسے گرفتار کرلیا گیا۔پچھلے برس بھی جسٹن بیبر کو اپنے پڑوس میں تیز رفتار ی سے کار دوڑانے اور ہمسائے پر تھوک پھینکنے جیسے الزامات کا سامنا کرنا پڑا تھا۔ تاہم کوئی قانونی کارروائی نہیں کی گئی تھی۔