کشکول توڑنے کیلیے ٹیکس نیٹ بڑھانا ہوگا ممبر ریونیو بورڈ

معاشی آزادی کے بغیر سیاسی آزادی کوئی معنی نہیں رکھتی، شاہد اسد، ٹیکس بار سے خطاب۔ فوٹو : فائل

---

ممبر بورڈ آف ریونیو شاہد حسین اسد نے کہا ہے کہ ملکی تاریخ میں پہلی بار 42لاکھ سے زیادہ افراد نے این ٹی این نمبر حاصل کیے ہیں۔

جب تک ہم ملک و قوم کی ترقی کے لیے رضاکارانہ طور پر ٹیکس نیٹ میں خود کو داخل نہیںکریں گے ملکی سسٹم غیر ملکی مالیاتی اداروںکے رحم و کرم پر ہی چلے گا۔ ان خیالات کا اظہار انہوں نے سیالکوٹ میں سیالکوٹ ٹیکس بار ایسوسی ایشن کے زیر اہتمامِ سمینار ٹیکسیشن لا کے پاکستان بھر کے ٹیکس بار کے عہددران سے خطاب کرتے ہوئے کیا۔ اس موقع پر ملک امان اللہ، آفتاب حسین ناگرہ، حاجی اکرام رضا، لیاقت بیگ، ذوالفقار ناصر، عمران رانا، جواد بٹ، ارشد نواز مان، ریحان جعفری، عبدالقیوم، طاہر انیس، شاہد محمود، شکیل اے خان وسیم ارشد، شاہد میر، نصیر ملک، ڈاکٹر سرفراز بشیر، میاںمحمد انور عبد الرحمان ڈوگر اور دیگر موجود تھے، ممبر بورڈ آف ریونیو شاہد حسین اسد نے کہا پاکستان کے عام شہری سے لیکر سب اپنی اپنی سطح پر ٹیکس نیٹ میں خود کو داخل کریں تا کہ ہم کشکول سے جان چھڑا سکیں۔



انہوں کیا کہ موجودہ حکومت نے جو ٹیکس پیکج کا اعلان کیا ہے اس اسکیم سے بھر پور فائد اٹھایا جائے۔ انہوں نے کہا کہ ایک بات ہمیں یاد رکھنی چاہیے کہ معاشی آزادی کے بغیر سیاسی آزادی کوئی معنی نہیں رکھتی انہوں نے بتایا کہ موجودہ حکومت نے اپنے سابق دور 1992میں بھی ایسی معاشی اسکیمیں دی تھی جس سے ملک میں معاشی انقلاب آیا تھا۔ تقریب سے آفتاب حسین ناگرہ، وسیم ارشد، عبدالقادر میمن، ارشد نواز مان نے بھی خطاب کیا۔