طالبعلم نے مائن کرافٹ پر پورا یونیورسٹی کیمپس بنا دیا

ساؤتھ ڈکوٹا اسکول آف مائنز اینڈ ٹیکنالوجی کے طالبعلم نے پوری جامعہ کی ایک ایک عمارت کو مائن کرافٹ میں ڈیزائن کیا ہے۔ فوٹو: بشکریہ ٹیک ریپٹر

---

امریکی جامعہ کے ایک طالبعلم نے نہایت محنت سے مائن کرافٹ پر اپنی یونیورسٹی کے کیمپس کی تمام عمارتیں اور دیگر تفصیلات کو ڈیزائن کیا ہے جو ایک محنت اور وقت طلب کام بھی ہے۔

ساؤتھ ڈکوٹا اسکول آف مائنز اینڈ ٹیکنالوجی کے طالبعلم جیکسن چینیے نے یہ کاوش کی ہے۔ وہ کہتے ہیں کہ مائن کرافٹ ایک غیرمعملی گیم ہے جو وہ بچپن سے کھیل رہے ہیں۔ انہوں نے بتایا کہ حوالے کے لیے گوگل ارتھ کو ریفرنس کے طور پر لیا گیا ہے۔

جیکسن نے جامعہ کی عمارتوں کے اندر کی تفصیلات بھی فراہم کی ہیں جن میں تجربہ گاہیں، دفاتر، کتابیں اور فرنیچر وغیرہ بھی شامل ہیں۔ وہ کمپیوٹر انجینیئرنگ کے طالبع ہیں اور انہوں نے حیران کن تفصیلات پر مبنی کمپیوٹر ماڈل بنایا ہے۔



ان کا خیال ہے کہ نئے طلبا و طالبات کے لیے یہ ایک بہترین مددگار ثابت ہوسکتا ہے کیونکہ اس طرح وہ پوری جامعہ اور اس کے ایک ایک گوشے کی تفصیل معلوم کرسکتے ہیں۔ اس طرح مائن کرافٹ کیمپس سے انہیں ایک سے دوسری جگہ پہنچنے میں بہت آسانی ہوگی۔



دلچسپ بات یہ ہے کہ مائن کرافٹ میں بنایا گیا یہ ڈیزائن اوپن سورس کی طرح جسے طلبا و طالبات استعمال کرکے اس میں اپنی معلومات اور تفاصیل شامل کرسکتے ہیں۔

واضح رہے کہ مائن کرافٹ ایک مشہور پلیٹ فارم ہے جس میں مختلف فنکار اور پروگرامر اپنے ڈیزائن بناتے رہتے ہیں۔