پی ٹی آئی کی خاتون رکن اسمبلی رابعہ اظفر نظامی نے بھی پارٹی چھوڑنے کا اعلان کردیا

اسٹاف رپورٹر  جمعـء 26 مئ 2023
فوٹو ٹویٹر

فوٹو ٹویٹر

  کراچی: پاکستان تحریک انصاف کے دیگر رہنماؤں کی طرح پی ٹی آئی کی رکن سندھ اسمبلی رابعہ اظفر نظامی  نے بھی پارٹی کو خیر باد کہہ دیا۔

سماجی رابطے کی سائٹ ٹویٹر پر رابعہ اظفر نے اپنے طویل بیان میں کہا کہ 9 مئی کے واقعات کی پرزور الفاظ میں مذمت کرتی ہوں، میں ایک تعمیری مقصد کے تحت سیاست میں آئی تھی۔

رابعہ اظفر نے کہا کہ افواج پاکستان ملک کی تحفظ کی ضامن ہیں، اپنے بچوں کو سیاسی ایڈونچر کے رسک پر نہیں ڈال سکتی۔

انہوں نے اعلان کیا کہ تحریک انصاف کے تمام عہدوں سے مستعفی ہوتی ہوں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔