کراچی میئرشپ کیلیے مذاکرات؛ ن لیگ کا پی پی سے ’ڈپٹی میئر‘ کا مطالبہ

ویب ڈیسک  ہفتہ 3 جون 2023
—فائل فوٹو

—فائل فوٹو

  کراچی: ن لیگ نے پیپلز پارٹی سے میئر کراچی کے معاملے میں حمایت کے بدلے ڈپٹی میئر کا عہدہ مانگ لیا۔ 

اس حوالے سے ذرائع نے بتایا کہ ن لیگ کے رہنماؤں نے مؤقف اختیار کیا کہ ہماری 14نشستیں اہمیت کی حامل ہے جس کے بعد ڈپٹی میئر کا عہدہ اصولی طور پر ہمیں دیا جائے۔

دوسری جانب پیپلز پارٹی کے رہنماؤں نے ن لیگ پر واضح کیا کہ میئر اور ڈپٹی میئر کا فیصلہ چیئرمین پی پی کریں گے۔ ذرائع ن لیگ نے بتایا کہ ہمارا وفاق میں اتحاد فطری ہے، میئرشپ میں پی پی امیدوار کی حمایت کریں گے۔

اجلاس میں سعید غنی، وقار مہدی، ن لیگ کے کیہل داس کوہستانی اور علی اکبر گجر شریک تھے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔