کیا اداکارہ نیمل خاور کی کاسمیٹک سرجری اُن کی نند نے کی ہے
اداکارہ نیمل خاور خان کی کاسمیٹک سرجری پر فضیلہ عباسی کا بیان سامنے آگیا
اداکارہ نیمل خاور خان کی کاسمیٹک سرجری پر نند فضیلہ عباسی کا بیان سامنے آگیا۔
حمزہ علی عباسی کی اہلیہ نیمل خاور خان ان دنوں اپنی کاسمیٹک سرجری کی وجہ سے شہ سُرخیوں کا حصہ بنی ہوئی ہیں اور سوشل میڈیا پر اداکارہ کی تصاویر سامنے آنے کے بعد ایک نئی بحث چھڑ گئی ہے۔
سوشل میڈیا صارفین نے الزام عائد کیا ہے کہ نیمل کی کاسمیٹک سرجری ان کی نند فضیلہ عباسی جو کہ ایک ڈرماٹولوجسٹ ہیں، نے کی ہے اور اُن کا چہرہ بگاڑ دیا ہے۔
تاہم فضیلہ عباسی نے ان الزامات کو مسترد اور جھوٹی خبروں کی تردید کرتے ہوئے کہا ہے کہ اُنہوں نے یا ان کے کلینک نے اس قسم کی کوئی سرجری نہیں کی ہے۔
ڈاکٹر فضیلہ عباسی نے اپنی پوسٹ میں لکھا کہ یہ سوشل میڈیا پر کی جانے والی تنقید اور قیاس آرائیاں بلا جواز اور مکمل طور پر غیر ضروری ہیں۔
انہوں نے لکھا کہ 'یہ واقعی افسوسناک کہ کس طرح بے بنیاد اور غلط مفروضے سوشل میڈیا کے ذریعے لوگوں کی ذاتی اور پیشہ ورانہ زندگیوں پر حملہ کرنے کے لیے پھیلائے جاتے ہیں۔'
یاد رہے کہ اداکارہ نیمل خاور خان کی نئی تصاویر سوشل میڈیا پر خوب وائرل وہ رہی ہیں جس پر سوشل میڈیا صارفین کا کہنا ہے کہ واضح دیکھا جا سکتا ہے کہ اداکارہ کا چہرے پہلے سے بلکل مختلف ہے اور انہوں نے ناک کی سرجری کروائی ہے۔
یہ بھی پڑھیں: کاسمیٹک سرجری کروانے پر نیمل خاور خان کو شدید ٹرولنگ کا سامنا
نیمل کے مداحوں کا کہنا ہے کہ وہ قدرتی طور پر ہی بےحد خوبصورت تھیں اور انہیں اس سرجری کی کوئی ضرورت نہیں تھی جبکہ سرجری کی وجہ سے اب وہ اداکارہ سارہ لورین جیسی دکھائی دے رہی ہیں۔
