لاہور:
آسٹریلوی کرٹن یونیورسٹی ، پرتھ سے وابستہ ماہر ارضیات، پروفیسر زینگ زیانگ (Zheng-Xiang Li)نے انکشاف کیا ہے، 5 کروڑ سال بعد آسٹریلیا کا براعظم پاکستان وبھارت سے ٹکرا سکتا ہے جس سے خطے میں عظیم تبدیلیاں آئیں گی۔
یہ طویل مدت لگتی ہے مگر ارضیاتی وقت کے لحاظ سے کچھ بھی نہیں۔ یاد رہے، ہماری زمین مسلسل محو حرکت پلیٹوں یا پرتوں پہ مشتمل ہے جن کے باہمی ٹکراؤ سے زلزلے آتے اور آتش فشاں لاوا اگلتے ہیں۔
آسٹریلیا کسی زمانے میں انٹارکٹکا پلیٹ کا حصہ تھا، پھر8 کروڑ سال پہلے الگ ہوا اور شمال کی سمت حرکت کرتے انڈین پلیٹ سے ٹکراگیا۔ یوں ’’انڈو آسٹریلین پلیٹ ‘‘وجود میں آئی۔
پروفیسر زینگ کا کہنا ہے، آسٹریلین پلیٹ اب بھی سالانہ 2.8 انچ کی رفتار سے انڈین پلیٹ کی طرف بڑھ رہی ہے۔
