کراچی میں فوج اور رینجرز کو مجسٹریٹ کے اختیارات تفویض

کراچی بھر میں تمام پریذائڈنگ افسران کو بھی 5 دسمبر کے روز مجسٹریٹ کے اختیارات تفویض کردیئے گئے ہیں فوٹو: فائل

---

WASHINGTON: الیکشن کمیشن نے بلدیاتی انتخابات کے باعث پریزائیڈنگ افسران، فوج اور رینجرز کو مجسٹریٹ کے اختیارات تفویض کردیئے ہیں۔

الیکشن کمیشن کی جانب سے جاری کردہ نوٹی فکیشن کے مطابق کراچی میں 5 دسمبر کو ہونے والے بلدیاتی انتخابات کے دوران ہر پولنگ اسٹیشن پر رینجرز جب کہ انتہائی حساس پولنگ اسٹیشنز پر فوج تعینات کی جائے گی۔ ان کی تعیناتی آرٹیکل 245 اور انسداد دہشت گردی ایکٹ کے تحت عمل میں آئی ہے۔ پاک فوج کے جونیئر کمیشنڈ آفیسر اور رینجرز کے کمپنی کمانڈر کو 4 اور 5 دسمبر کو مجسٹریٹ درجہ اول کے اختیارات حاصل ہوں گے۔

الیکشن کمیشن کے مطابق شہر بھر میں قائم 4 ہزار 144 پولنگ اسٹیشن پر تعینات پریذائڈنگ افسران کو بھی 5 دسمبر کے روز مجسٹریٹ کے اختیارات تفویض کردیئے گئے ہیں۔