عالیہ بھٹ نے فلم ’’گول مال اگین‘‘ میں کرینہ کپور کے کردار پر قبضہ جمالیا

فلم "گول مال 4" اگلے سال دیوالی کے موقع پرریلیز کی جائے گی۔ ۔ فوٹو:فائل

---

GILGIT: بالی ووڈ کے معروف ہدایت کار روہت شیٹھی کی مزاحیہ فلم ''گول مال 4'' سے کرینہ کپور آؤٹ ہوگئی ہیں جس کے بعد اب ان کی جگہ شوخ و چنچل اداکارہ عالیہ بھٹ اداکاری کے جوہر دکھاتی نظر آئیں گی۔

بھارتی میڈیا رپورٹس کے مطابق ہدایتکارروہٹ شیٹھی کی ہدایت کاری میں بننے والی کامیڈی فلم گول مال سیریز کی چوتھی فلم کی تیاریاں جاری ہیں، فلم میں اداکارہ کے کردارکے لیے کرینہ کپور کا نام فائنل کیا گیا تھا تاہم اداکارہ کے ماں بننے کی خبر کے بعد اب یہ کردارعالیہ بھٹ کے حصے میں آگیا ہے جس کے حوالے سے ہدایت کار کی عالیہ سے بات چیت بھی جاری ہے۔

یہ خبر بھی پڑھیں: سیف علی خان نے کرینہ کپور کے حاملہ ہونے کی تصدیق کردی

روہت شیٹھی کی جانب سے اپنی فلم گول مال کے چوتھے سیریزکی خبر فلم کے 10 سال مکمل ہونے پرسامنے آئی تھی، اب کی بار فلم کانام "گول مال اگین" رکھا جائے گا، فلم میں اجے دیوگن، تشار کپور اورارشد وارثی اپنے پچھلے کردار نبھاتے ہوئے دکھائی دیں گے۔ فلم اگلے سال دیوالی کے موقع پرریلیز کی جائے گی۔

یہ خبر بھی پڑھیں: کرینہ کپور نئی فلم میں ''حاملہ'' خاتون کا کردار ادا کریں گی

واضح رہے کہ اداکارہ کرینہ کپوراکتوبر تک فلم "ویردی ویڈنگ" کی شوٹنگ میں مصروف رہیں گی جس کے بعد دسمبر میں ان کے گھر ننھے مہمان کی آمد متوقع ہے۔