بنگلہ دیش لیگ 14 پاکستانی منتخب مصباح حفیظ احمد شہزاد کو خریدار نہ ملا

کومیلا وکٹورینز نے خالدلطیف، شاہ زیب حسن اور سہیل تنویر کی خدمات حاصل کیں۔ فوٹو: فائل

---

بنگلہ دیش پریمیئر لیگ کیلیے 14 پاکستانیوں سمیت 23 غیرملکی کرکٹرز منتخب کرلیے گئے، مصباح الحق، ٹیسٹ اوپنر محمد حفیظ ، عماد وسیم اور احمد شہزاد کو کوئی خریدار نہ مل سکا۔

ایونٹ کی شروعات 4 نومبر سے ہوگی، رنگپور رائیڈرز نے چار پاکستانی کرکٹرز شاہد آفریدی، شرجیل خان، ناصرجمشید اور بابراعظم کو ٹیم میں شامل کیا، کومیلا وکٹورینز نے خالدلطیف، شاہ زیب حسن اور سہیل تنویر کی خدمات حاصل کیں۔

چٹاگانگ ویکنگنز نے شعیب ملک، عمران خان جونیئر، بریسال بلز نے رومان رئیس، محمد نواز جبکہ ڈھاکا ڈائنا مائٹس نے اسامہ میر، کھلنا ٹائٹنس نے جنید خان اور راج شاہی کنگز نے محمد سمیع کو حاصل کرلیا۔