زرداری کے دور میں پاکستانی اپنے پیسے اور جیبیں سنبھالتے تھے مریم اورنگزیب

سی پیک نوازشریف کے ویژن کا خطے کو تحفہ ہے اس جیسے منصوبوں کی باتیں زرداری صاحب کے منہ اچھی نہیں لگتیں، وزیر مملکت، فوٹو؛ فائل

---

MINGORA: وزیر مملکت برائے اطلاعات مریم اورنگزیب کا کہنا ہےکہ آصف زرداری کے دور میں جو ہوا سب کو پتا ہے ان کے دور میں تو پاکستانی اپنے پیسے اور اپنی جیبیں سنبھالتے تھے۔

اسلام آباد میں میڈیا سے بات کرتے ہوئے مریم اورنگزیب نے کہا کہ سی پیک وزیراعظم نوازشریف کے ویژن کا خطے کو تحفہ ہے، اس جیسے منصوبوں کی باتیں زرداری صاحب کے منہ اچھی نہیں لگتیں، ان کے دور میں جو ہوا سب کو پتا ہے، زرداری صاحب کے دور میں تو پاکستانی اپنے پیسے اور اپنی جیبیں سنبھال رہے تھے۔

اس خبر کو بھی پڑھیں: شہباز شریف پختونوں کا حصہ کھارہے ہیں، آصف زرداری

مریم اورنگزیب نے کہا کہ ڈان لیکس کی سرکاری رپورٹ ابھی تک نہیں آئی لیکن اس سے متعلق قیاس آرائیاں کی جارہی ہیں اور اپوزیشن کی جانب سے اس معاملے پر مریم نواز کوجھوٹے تاثرکے ساتھ جوڑا جارہا ہے، اپوزیشن مریم نواز سے خوف زدہ ہے اسی لیے ان پر جھوٹے الزامات لگا رہی ہے۔ انہوں نے کہا کہ ہررپورٹ پرفیصلے کے بعد عمران خان کارونا لازمی ہوتا ہے کیوں کہ انہیں رونے کے سوا کچھ نہیں آتا اور ان کی بات میں جھوٹ کے سوا کچھ نہیں لیکن جھوٹ بولنے والے کی قسمت میں صرف مایوسی ہوتی ہے۔ ان کا کہنا تھا کہ ڈان لیکس سے متعلق رپورٹ آنی ہے اوران کوپھرناکامی ہونی ہے، جھوٹے الزامات کی روایت اب ختم ہونی چاہیے اور مریم نوازپر الزامات لگانے والوں کو معافی مانگنی چاہیے۔