پاناما کو ’’ردی کا ٹکڑا’‘ قرار دینے پر عالمی صحافیوں کی مریم نواز پر شدید تنقید

ویب ڈیسک  بدھ 3 مئ 2017
صحافت سچ بتانے کا نام ہے چاہے کسی کو پسند آئے یا نہیں، بین الاقوامی صحافی۔ فوٹو: فائل

صحافت سچ بتانے کا نام ہے چاہے کسی کو پسند آئے یا نہیں، بین الاقوامی صحافی۔ فوٹو: فائل

وزیراعظم کی صاحبزادی مریم نواز کی جانب سے پاناماپیپرز کو ردی کا ٹکرا کہنے پر بین الاقوامی صحافیوں نے شدید مذمت کی ہے۔

گزشتہ روز وزیراعظم کی صاحبزادی مریم نواز نے ایک ٹوئٹ میں پاناما پیپرز کو ردی کا ٹکرا قرار دیتے ہوئے کہا تھا کہ پاناما لیکس صرف ردی کا ٹکڑا ہے جسے باقی دنیا میں ختم کردیا گیا ہے جب کہ پاناما پر انحصار کرنے والوں کو خاک چاٹنا پڑے گی۔

اس خبر کو بھی پڑھیں : پاناما پر انحصار کرنے والوں کو خاک چاٹنا پڑے گی، مریم نواز

بین الاقوامی صحافیوں کی جانب سے مریم نواز کے اس بیان پر شدید ردعمل کا اظہار کرتے ہوئے کہا گیا ہے کہ پاناما پیپرز کے حوالے سے 80 ممالک میں 150 کے قریب تحقیقات کی جارہی ہیں لہذا دنیا میں پاناما معاملہ کے ختم ہونے کا کیسے کہا جاسکتا ہے۔

صحافیوں کا کہنا ہے کہ حکومت کو گرانا ہی صرف صحافت نہیں، صحافت سچ بتانے کا نام ہے چاہے کسی کو پسند آئے یا نہیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔