فون بیٹری کو جلد ختم کرنے والی اینڈرائیڈ ایپس

ویب ڈیسک  پير 20 نومبر 2017
کینڈی کرش ساگاموبائل بیٹری کا سب سے بڑا دشمن ہے،فوٹو:انٹرنیٹ

کینڈی کرش ساگاموبائل بیٹری کا سب سے بڑا دشمن ہے،فوٹو:انٹرنیٹ

نیویارک: اگر آپ کے اینڈرائیڈ اسمارٹ فون کی بیٹری جلد ختم ہوجاتی ہے تو اس مسئلے کا حل ممکن ہے۔

ایسی کئی اینڈروئیڈ ایپلی کیشنز ہیں جو موبائل کی بیٹری کو چپکے سے ختم کردیتی ہیں اور انہیں ان انسٹال کرکے آپ بیٹری کی لائف بڑھاسکتے ہیں۔

کینڈی کرش ساگا:

مقبول گیمنگ  ایپلی کیشن کینڈی کرش ساگا موبائل بیٹری کی سب سے بڑی دشمن ہے۔ یہ ایپ نا صرف زیادہ جگہ گھیرتی ہے بلکہ زیادہ بیٹری بھی خرچ کرتی ہے۔

اس خبر کو بھی پڑھیں: اب پسینے سے اپنا موبائل اَن لاک کریں

پیٹ ریسکیو ساگا:

زیادہ بیٹری استعمال کرنے والی ایپس کی فہرست میں دوسرے نمبر پر معروف آن لائن گیم پیٹ ریسکیو ساگا ہے۔اس گیم کو کھیلنے کے لیے آپ کو انٹرنیٹ ڈیٹا ،موبائل اسٹوریج اور بیٹری لائف کو داؤ پر لگانا پڑے گا۔

کلیش آف کلینس:

وار گیم کی یہ ایپلی کیشن بیٹری پاور کا خاتمہ کرنے میں کوئی کسر نہیں چھوڑتی۔ بیٹری جلد ختم ہونے کا قصوروار اس ایپ کو قرار دیا جاتا ہے۔

یہ خبر بھی پڑھیں: سست اینڈروئیڈ موبائل کوتیزرفتاربنائیے

گوگل پلےسروس:

بیٹری کی جانی دشمنوں کی فہرست میں گوگل پلے سروس بھی شامل ہے جوچپکے سے بیٹری کو خاموش کرادیتی ہے۔

او ایل ایکس:

خریدوفروخت کی یہ عالمی ایپلی کیشن کاروبار کے لیے تو فائدے مند ہے لیکن بیٹری  کے لیے نقصان دہ ہے ۔آن لائن لین دین کی یہ ایپ پیسے کمانے کے لیے تو ٹھیک ہے لیکن  موبائل  بیٹری کے لیے وبال جان ہے۔

فیس بک:

سوشل میڈیا کی مقبول ترین نیٹ ورکنگ سائٹ  فیس بک کی ایپ تقریباً ہر اسمارٹ فون میں انسٹال ہے۔ یہ ایپ ویسے تو کم جگہ گھیرتی ہے لیکن بیٹری کا بے دریغ  استعمال  کرتی ہے۔

واٹس ایپ:

پیغام رسانی کی نمبر ون ایپلی کیشن واٹس ایپ جہاں انِ باکس میں جگہ نہیں چھوڑتی وہیں بیٹری کو بھی خالی کردیتی ہے۔ یہ ایپ بھی بیٹری کی جانی دشمنوں میں سے ایک ہے۔

اسے بھی پڑھیں: واٹس ایپ آڈیو اور ویڈیو کال کیلئے نیا فیچر

اینڈرائیڈ ویدر اینڈ کلاک:

یہ ایپ بھی بیٹری کی چارجنگ ختم کرنے میں  اپنا پورا زور لگاتی ہے۔

سولیٹائر گیم:

اس گیم کو کھیل کر آپ کا مزاج تو ٹھیک ہوجاتا ہے لیکن یہ ایپ بیٹری کو بے حال کردیتی ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔