بھارتی اداکار نریندرا جھا دل کا دورہ پڑنے سے انتقال کرگئے

نریندرا جھا نے رئیس، قابل اور حیدر جیسی کامیاب فلموں میں اداکاری کے جوہر دکھائے۔ فوٹو: فائل

---

بالی ووڈ اداکار نریندرا جھا 55 برس کی عمر میں حرکت قلب بند ہوجانے سے انتقال کر گئے۔

بھارتی میڈیا رپورٹس کے مطابق بالی ووڈ میں رئیس ، قابل اور حیدر جیسی کامیاب فلموں میں پولیس آفیسر اور گینگسٹر کے روپ میں دکھائی دینے والے اداکار نریندرا جھا حرکت قلب بند ہونے کی وجہ سے اسپتال میں دم توڑ گئے۔ اداکار اپنے فارم ہاؤس میں تھے جہاں انہیں سینے میں تکلیف محسوس ہوئی جس پر انھیں فوری اسپتال لے جایا گیا جہاں وہ انتقال کر گئے۔

From captain house to ithihass he was one of@d first actors I worked with #RipNarendrajha https://t.co/pmRUdO4ZFE

— Ektaa R Kapoor (@EktaaRKapoor) March 14, 2018

نریندرا کے انتقال پر فلم و ڈرامہ پروڈیو سر ایکتا کپور نے ٹوئٹر پر اظہار افسوس کرتے ہوئے کہا کہ ڈرامہ کیپٹن ہاؤس سے اتیہاس میں وہ واحد اداکار تھے جن کے ساتھ میں نے کام کیا۔

Unbelievable. Tragic.dont know whats https://t.co/4tTZ2QLrzL in peace narendra jha. https://t.co/Nvp3SzxAJA

— manoj bajpayee (@BajpayeeManoj) March 14, 2018

اداکار منوج باجپائی نے اس خبر پر اظہارافسوس کرتے ہوئے کہا نریندرا کی موت ناقابل یقین ہے، سمجھ نہیں آرہا کہ کیا ہو رہا ہے۔

https://twitter.com/rohitroy500/status/973798347311124480

اداکار روہت رائے نے اظہارافسوس کرتے ہوئے کہا کہ یقین نہیں آرہا کہ نریندرا جھا ہمیں چھوڑ کر جا چکے ہیں وہ انتہائی قابل احترام اور ذہین انسان تھے۔