انگلش ٹی 20 ڈرہم نے جنوبی افریقی اسپنر عمران طاہر کی خدمات لے لیں

ہم اپنی سفید بال کی کرکٹ کو بہتر بنانے کیلیے ہائی کوالٹی بولر سے معاہدہ چاہتے تھے، کلب ہیڈ کوچ جان لیوس۔ فوٹو: فائل

---

انگلش کاؤنٹی ڈرہم نے ٹی 20 بلاسٹ کیلیے جنوبی افریقی لیگ اسپنر عمران طاہر کی خدمات حاصل کرلیں۔

پاکستانی نژاد اسپن اسٹار کی اپنی صلاحیتوں کی وجہ سے غیرملکی لیگز میں بھرپور مانگ ہے، پروٹیز کی جانب سے دورہ سری لنکا کیلیے حیران کن طور پر نظر انداز کیے جانے کے بعد عمران طاہر ویسے ہی دستیاب تھے، ان کے ساتھ ڈرہم نے معاہدہ کرلیا ہے۔

کلب کے ہیڈ کوچ جان لیوس کہتے ہیں کہ ہم اپنی سفید بال کی کرکٹ کو بہتر بنانے کیلیے ہائی کوالٹی بولر سے معاہدہ چاہتے تھے اور اس کیلیے عمران طاہر انتہائی موزوں ہیں۔