عالمی سطح پر سونا سستا پاکستان میں مہنگا کردیا گیا

فی تولہ سونے کی قیمت بڑھ کر 57800 روپے اور فی دس گرام سونے کی قیمت بڑھ کر 49554 روپے ہوگئی۔ فوٹو: فائل

---

عالمی سطح پر سونا سستا جب کہ پاکستان میں 700 روپے تولہ مہنگا کردیا گیا۔

بین الاقوامی بلین مارکیٹ میں فی اونس سونے کی قیمت 1 ڈالر کی کمی سے 1204 ڈالر کی سطح پر پہنچنے کے باوجود مقامی صرافہ مارکیٹوں میں جمعہ کو فی تولہ اور فی دس گرام سونے کی قیمتوں میں بلین انتظامیہ کی جانب سے بالترتیب 700 روپے اور 600 روپے کا اضافہ کردیا گیا ہے جس کے نتیجے میں کراچی حیدرآباد سکھر ملتان فیصل آباد لاہور اسلام آباد راولپنڈی پشاور اور کوئٹہ کی صرافہ مارکیٹوں میں فی تولہ سونے کی قیمت بڑھ کر 57800 روپے اور فی دس گرام سونے کی قیمت بڑھ کر 49554 روپے ہوگئی۔

اس کے برعکس فی تولہ چاندی کی قیمت بغیرکسی تبدیلی کے800 روپے اور فی دس گرام چاندی کی قیمت 685.87 روپے پرمستحکم رہی ہے۔