- پی ٹی آئی نے ججز کے خط پر انکوائری کمیشن کو مسترد کردیا
- عدالتی امور میں ایگزیکٹیو کی مداخلت کسی صورت برداشت نہیں کی جائے گی، چیف جسٹس
- وفاقی حکومت نے کابینہ کی ای سی ایل کمیٹی کی تشکیل نو کردی
- نوڈیرو ہاؤس عارضی طور پر صدرِ مملکت کی سرکاری رہائش گاہ قرار
- یوٹیوبر شیراز کی وزیراعظم شہباز شریف سے ملاقات
- حکومت کا بجلی کی پیداواری کمپنیوں کی نجکاری کا فیصلہ
- بونیر میں مسافر گاڑی کھائی میں گرنے سے ایک ہی خاندان کے 8 افراد جاں بحق
- بجلی 2 روپے 75 پیسے فی یونٹ مہنگی کردی گئی
- انٹربینک اور اوپن مارکیٹ میں ڈالر کی نسبت روپیہ تگڑا
- حکومت نے 2000 کلومیٹر تک استعمال شدہ گاڑیاں درآمد کرنے کی اجازت دیدی
- کراچی: ڈی آئی جی کے بیٹے کی ہوائی فائرنگ، اسلحے کی نمائش کی ویڈیوز وائرل
- انوار الحق کاکڑ، ایمل ولی بلوچستان سے بلامقابلہ سینیٹر منتخب
- جناح اسپتال میں خواتین ڈاکٹروں کو بطور سزا کمرے میں بند کرنے کا انکشاف
- کولیسٹرول قابو کرنیوالی ادویات مسوڑھوں کی بیماری میں مفید قرار
- تکلیف میں مبتلا شہری کے پیٹ سے زندہ بام مچھلی برآمد
- ماہرین کا اینڈرائیڈ صارفین کو 28 خطرناک ایپس ڈیلیٹ کرنے کا مشورہ
- اسرائیل نے امن کا پرچم لہرانے والے 2 فلسطینی نوجوانوں کو قتل کردیا
- حکومت نے آٹا برآمد کرنے کی مشروط اجازت دے دی
- سائفر کیس میں امریکی ناظم الامور کو نہ بلایا گیا نہ انکا واٹس ایپ ریکارڈ لایا گیا، وکیل عمران خان
- سندھ ہائیکورٹ میں جج اور سینئر وکیل میں تلخ جملوں کا تبادلہ
اپٹما کا برآمدی صنعت کیلیے بجلی و گیس سستی کرنے کا مطالبہ
اسلام آباد: آل پاکستان ٹیکسٹائل ملز ایسوسی ایشن نے حکومت سے 5 سال کے لیے ایکسپورٹ انڈسٹری کو بجلی 7روپے یونٹ اور گیس کے نرخ 600روپے فی ایم ایم بی ٹی یو مقرر کرنے کا مطالبہ کر دیا ہے۔
ذرائع کے مطابق آل پاکستان ٹیکسٹائل ملز ایسو سی ایشن (اپٹما) نے وزیر اعظم کے مشیر برائے ٹیکسٹائل انڈسٹری عبدالرزاق دائود سے ملاقات کر کے ٹیکسٹائل انڈسٹری کی برآمدات بڑھانے کے لیے اپنے مطالبات ان کے سامنے رکھ دیے ہیں۔
آل پاکستان ٹیکسٹائل ملز ایسوسی ایشن کی جانب سے وزیرا عظم کے مشیر برائے ٹیکسٹائل انڈسٹری سے ملاقات کے دوران بتایا گیا ہے کہ اس وقت خطے کے دیگر ممالک کی نسبت پاکستان کی ٹیکسٹائل انڈسٹری کو بجلی اور گیس زیادہ نرخ پر مل رہی ہے جس کے باعث پاکستان کا ٹیکسٹائل سیکٹر خطے کے دیگر ممالک کے ساتھ مقابلہ نہیں کر پا رہا۔ اس وقت ویت نام کی صنعت کو بجلی 7 سینٹ، انڈیا 7 چائنا 9جبکہ پاکستان کی صنعت کو بجلی 9.5 سینٹ میں دستیاب ہے۔ اسی طرح گیس کے نرخ بھی خطے کے دیگر ممالک کی نسبت پاکستان میں زیادہ ہیں جس کے باعث پاکستان کی انڈسٹری بدحالی کا شکار ہو تی جا رہی ہے۔
اپٹما نے حکومت سے مطالبہ کیا ہے کہ حکومت آئندہ 5 سال کے لیے برآمدات پر مبنی ٹیکسٹائل انڈسٹری کے لیے 7 روپے یونٹ کے کا نرخ مقرر کرے۔ جبکہ برآمدی صنعت کو 600 روپے فی ایم ایم بی ٹی یو پر گیس کی فراہمی کی جائے۔
اس کے علاوہ آل پاکستان ٹیکسٹائل ملز ایسوسی ایشن کی جانب سے حکومت سے یہ مطالبہ کیا گیا ہے کہ حکومت کپاس اور پولیسٹر پر انڈسٹری کے لیے کسٹم ڈیوٹی اور سیلز ٹیکس ختم کرے، سیلز ٹیکس، انکم ٹیکس پالیسی اور پیکج سمیت ٹیکسٹائل انڈسٹری کے تمام زیر التوا ریفنڈز کا اجرا کیا جائے۔ ڈیوٹی ڈرابیک اسکیم میں 5 سال کے لیے توسیع دی جائے۔
یاد رہے کہ اس وقت پاکستان کے ٹیکسٹائل سیکٹر کو شدید مشکلات کا سامناہے اور 2007کے بعد گیس کی قلت کے باعث 200سے زائد ٹیکسٹائل یونٹ بند کر دیے گئے تھے جس کی بحالی تاحال نہیںہو سکی جبکہ ٹیکسٹائل کی تنظیموں کی جانب سے ان پٹ کاسٹ زیادہ ہونے کو ملکی برآمدات میں کمی کا ایک بڑا سبب قرار دیا جا رہا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔