ناموربولرزمجھ سے ڈرتے ہیں مگرکیمرے کے سامنے اعتراف نہیں کرتےگیل

انٹرنیشنل کرکٹ میں 500 چھکے مکمل کرنے کا کارنامہ انجادیا فوٹوفائل

---

ویسٹ انڈین اسٹار بیٹسمین کرس گیل نے دعویٰ کیا ہے کہ دنیا کے نامی گرامی بولرز ان سے ڈرتے ہیں مگر کیمرے کے سامنے اعتراف نہیں کرتے وہ جانتے ہیں کہ یونیورس باس کیا کچھ کرسکتا ہے۔

ایک انٹرویو میں کرس گیل نے کہا کہ ورلڈ کپ کے دوران بھی بولرز کے ذہنوں میں یہ بات ضرور ہوگی کہ ان کے سامنے دنیا ایک خطرناک ترین بیٹسمین موجود ہے۔ جب گیل سے پوچھا گیا کہ کیا اب بھی یہ بولرز ان سے خوفزدہ ہیں تو انھوں نے کہا کہ یہ آپ جاکر ان سے پوچھیں، کیمرے کے سامنے تو وہیں کہیں گے کہ نہیں ہم خوفزدہ نہیں ہیں لیکن آف دی کیمرہ وہ سب کہیں گے کہ 'واقعی یہ ایک خطرناک بیٹسمین ہے'۔