یو ٹیوب ایوارڈز ایمینم سال کے بہترین فنکارقرار پائے

نیویارک: جیول کیسڈی، ریان مارشل، سارہ بلیک ووڈ، جینی اور مک ٹیلر یوٹیوب ایوارڈ شو میں شریک ہیں ۔ فوٹو : فائل

---

ویڈیو شیئرنگ ویب سائٹ یو ٹیوب کے پہلے ایوارڈز میں ایمینم کو سال کا بہترین فنکار قرار دیا گیا ہے۔

ایوارڈز کی تقریب گزشتہ شب امریکی شہر نیویارک میں منعقد ہوئی جسے انٹرنیٹ پر براہِ راست نشر کیا گیا۔ تقریب میں ایمینم اور لیڈی گاگا جیسے گلوکاروں نے لائیو میوزک ویڈیوز بھی بنائیں جن کی ہدایات ان ایوارڈز کے خالق سپائیک جونز نے دیں۔ان ایوارڈز کے لیے کسی فنکار کی نامزدگی کا معیار یو ٹیوب پر اس کے گانوں کی پسندیدگی، ان پر کیے جانے والے تبصرے اور فنکاروں کے اپنے یو ٹیوب چینلوں کی سبسکرپشن تھا۔یو ٹیوب فنامینن ایوارڈ ٹیلر سوئفٹ کو ان کے گانے 'آئی نیو یو ور ٹربل' پر دیا گیا۔



جب کہ سال کی بہترین ویڈیو کا ایوارڈ گانے 'آئی گوٹ اے بوائے' کی ویڈیو کو ملا۔ یہ گانا جنوبی کوریا کے گروپ کے پوپ نے گایا ہے۔سال کی بہترین اختراع کا ایوارڈ یو ٹیوب کے صارف 'ڈی اسٹورم پاور' کو دیا گیا جن کی ڈھائی سو ویڈیوز کو بیس کروڑ مرتبہ دیکھا گیا ہے۔