- عمران خان کا چیف جسٹس کو خط ، پی ٹی آئی کو انصاف دینے کا مطالبہ
- پہلی بیوی کی اجازت کے بغیر دوسری شادی، شوہر کو تین ماہ قید کا حکم
- پشاور میں معمولی تکرار پر ایلیٹ فورس کا سب انسپکٹر قتل
- پنجاب میں 52 غیر رجسٹرڈ شیلٹر ہومز موجود، یتیم بچوں کا مستقبل سوالیہ نشان
- مودی کی انتخابی مہم کو دھچکا، ایلون مسک کا دورہ بھارت ملتوی
- بلوچستان کابینہ نے سرکاری سطح پر گندم خریداری کی منظوری دیدی
- ہتھیار کنٹرول کے دعویدارخود کئی ممالک کو ملٹری ٹیکنالوجی فراہمی میں استثنا دے چکے ہیں، پاکستان
- بشریٰ بی بی کا عدالتی حکم پر شفا انٹرنیشنل اسپتال میں طبی معائنہ
- ویمن ون ڈے سیریز؛ پاک ویسٹ انڈیز ٹیموں کا کراچی میں ٹریننگ سیشن
- محکمہ صحت پختونخوا نے بشریٰ بی بی کے طبی معائنے کی اجازت مانگ لی
- پختونخوا؛ طوفانی بارشوں میں 2 بچوں سمیت مزید 3 افراد جاں بحق، تعداد 46 ہوگئی
- امریکا کسی جارحانہ کارروائی میں ملوث نہیں، وزیر خارجہ
- پی آئی اے کا یورپی فلائٹ آپریشن کیلیے پیرس کو حب بنانے کا فیصلہ
- بیرون ملک ملازمت کی آڑ میں انسانی اسمگلنگ گینگ سرغنہ سمیت 4 ملزمان گرفتار
- پاکستان کےمیزائل پروگرام میں معاونت کا الزام، امریکا نے4 کمپنیوں پرپابندی لگا دی
- جرائم کی شرح میں اضافہ اور اداروں کی کارکردگی؟
- ضمنی انتخابات میں عوام کی سہولت کیلیے مانیٹرنگ اینڈ کنٹرول سینٹر قائم
- وزیرداخلہ سے ایرانی سفیر کی ملاقات، صدررئیسی کے دورے سے متعلق تبادلہ خیال
- پختونخوا؛ صحت کارڈ پر دوائیں نہ ملنے پر معطل کیے گئے 15 ڈاکٹرز بحال
- لاہور؛ پولیس مقابلے میں 2 ڈاکو مارے گئے، ایک اہل کار شہید دوسرا زخمی
عمرگل اورعمران فرحت کا کرکٹ سے ریٹائرمنٹ کا فیصلہ
ٹیسٹ کرکٹر عمر گل اور عمران فرحت نے کرکٹ سے طویل رفاقت ختم کرنے کا فیصلہ کرلیا۔
قومی ٹیم کے سابق فاسٹ بولر عمر گل نے کرکٹ سے ریٹائرمنٹ کا فیصلہ کرلیا، ملتان میں 30 ستمبر سے شروع ہونے والا قومی ٹی ٹوئنٹی کپ ان کا آخری ٹورنامنٹ ہوگا، پیسر بلوچستان کی فرسٹ الیون کا حصہ ہیں، ڈومیسٹک ایونٹ میں بھی کھلاڑی سے زیادہ ان کا ٹیم میں بطور مینٹور کردار زیادہ اہمیت کا حامل ہوگا۔
ذرائع کا کہنا ہے کہ پاکستان کرکٹ بورڈ کے ساتھ بطور کوچ وابستہ ہونے کیلیے ریٹائرمنٹ کا یہی مناسب وقت تھا، انہیں کرکٹ کمیٹی کا رکن بنائے جانے پر بھی سوالات اٹھائے گئے تھے کہ ایک فعال کرکٹر کو یہ ذمہ داری نہیں ملنا چاہیے، مفادات کے تضاد کی وجہ سے ہی انہوں نے اب ہر سطح کی کرکٹ کو خیرباد کہتے ہوئے کو چنگ میں کیریئر بنانے کا فیصلہ کیا ہے۔
یاد رہے کہ عمر گل لیول ٹو کوچنگ کورس کر چکے ہیں اور گزشتہ دنوں کرکٹ پاکستان کو انٹرویو میں بھی انہوں نے بطور کوچ کیریئر بنانے کا عندیہ دیا تھا۔
دوسری جانب ٹیسٹ کرکٹر عمران فرحت نے بھی کرکٹ سے طویل رفاقت ختم کرنے کا فیصلہ کیا ہے، انہوں نے پاکستان کرکٹ بورڈ حکام کو آگاہ کردیا ہے کہ یہ ان کا آخری ڈومیسٹک سیزن ہوگا، وہ مستقبل میں کوچنگ کے شعبے میں نام کمانا چاہتے ہیں۔
عمران فرحت نے ایکسپریس نیوز کے ساتھ اپنے ریٹائرمنٹ پلان کی تصدیق کرتےہوئے کہا ہےکہ 22 سال سے کرکٹ کھیل رہاہوں، اب چاہتا ہوں کہ نئے لڑکوں کو کھیل کی باریکیاں سکھاوں، پی سی بی کے زیر اہتمام کوچنگ کورس کرنے کی منصوبہ بندی کی ہے تاکہ باقاعدہ کورسز کرکے اپنے علم میں اضافہ کروں۔
واضح رہے عمران فرحت نے چالیس ٹیسٹ اور اٹھاون ایک روزہ میچز میں پاکستان کی نمائندگی کی۔سات ٹی ٹوئنٹی میچز بھی انہیں کھیلنے کا اعزاز حاصل ہے۔ 48 سالہ عمران فرحت اس وقت موجودہ ڈومیسٹک سیزن کےعمر رسیدہ اور سب سے زیادہ تجربہ کار بیٹسمین ہیں۔ دوہزار ایک میں انٹرنیشنل کیرئر کا آغاز کرنے والے عمران فرحت نے دوہزار تیرہ میں اہلیہ کی بیماری کی وجہ سے دورہ زمبابوے سے معذرت کی تھی جس کے بعد سے وہ کم بیک نہیں کرسکے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔