سابق بھارتی کپتان مہندرا سنگھ دھونی سر منڈوا کر بھکشو بن گئے

چنئی:  بھارت کے سابق کپتان مہندرا سنگھ دھونی سر منڈوا کر بھکشو بن گئے۔

ان کی ایک تصویر سوشل میڈیا پر وائرل ہوئی ہے جس میں وہ سر کے بال منڈوائے بھکشو کا روپ اختیارکیے بیٹھے ہیں، ایک اسپورٹس چینل نے ٹویٹر پر ان کی تصویر شیئر کرتے ہوئے لکھا کہ یہ ایک مارشل آرٹس ٹریننگ کیمپ کا سیٹ اپ ہے۔

یاد رہے کہ مہندرا سنگھ دھونی نے گذشتہ برس انٹرنیشنل کرکٹ سے ریٹائرمنٹ لی تھی، ان کی آئی پی ایل ٹیم چنئی سپر کنگز اگلے سیزن کیلیے تیاریوں کا آغاز کرچکی ہے، دھونی کے ماضی میں مختلف ہیئر اسٹائلز کافی مشہور رہے ہیں۔