پیمرا کے انتظامی معاملات چلانے کیلیے 3 رکنی کمیٹی قائم

کمیٹی عدالتی فیصلے تک معاملات چلانے کیلیے بنائی گئی، چیئرمین اورایگزیکٹوممبرکے اختیارات معطل

این این آئی February 01, 2014

خصوصی کمیٹی سپریم کورٹ کے فیصلے تک برقرار رہے گی۔ فوٹو: فائل

پیمرا بورڈ نے چیئرمین پیمرا چوہدری رشیداورایگزیکٹو ممبر راؤ تحسین کے اختیارات معطل کرکے3 رکنی کمیٹی قائم کر دی۔

نجی ٹی وی نے ذرائع کے حوالے سے بتایا کہ پیمرا بورڈ کا خصوصی اجلاس اسلام آبادمیں ہوا،اجلاس میں بورڈ نے چیئرمین پیمرا چوہدری رشید اور ایگزیکٹو ممبر رائو تحسین کے اختیارات معطل کر دیے۔

photo 12_zps683ae80e.jpg

اجلاس میں پیمراکے مالی اور انتظامی معاملات کو چلانے کیلیے 3 رکنی کمیٹی قائم کر دی گئی۔ کمیٹی میں اسماعیل شاہ، اسرار عباسی اور پرویزراٹھورشامل ہونگے۔ خصوصی کمیٹی سپریم کورٹ کے فیصلے تک برقرار رہے گی۔