- ویمنز کوالیفائر؛ آئی سی سی نے ثنامیر کو برانڈ ایمبیسڈر مقرر کردیا
- پی او بی ٹرسٹ عالمی سطح پر ساڑھے 3لاکھ افراد کی بینائی ضائع ہونے سے بچا چکا ہے
- ایف بی آر نے ایک آئی ٹی کمپنی کی ٹیکس ہیرا پھیری کا سراغ لگا لیا
- سیاسی نظریات کی نشان دہی کرنے والا اے آئی الگوردم
- خاتون ڈاکٹرز سے علاج کرانے والی خواتین میں موت کا خطرہ کم ہوتا ہے، تحقیق
- برطانیہ میں ایک فلیٹ اپنے انوکھے ڈیزائن کی وجہ سے وائرل
- فیصل واوڈا نے عدالتی نظام پر اہم سوالات اٹھا دیئے
- پاکستان کو آئی ایم ایف سے قرض کی نئی قسط 29 اپریل تک ملنے کا امکان
- امریکی اکیڈمی آف نیورولوجی نے پاکستانی پروفیسر کو ایڈووکیٹ آف دی ایئر ایوارڈ سے نواز دیا
- کوہلو میں خراب سیکیورٹی کے باعث ری پولنگ نہیں ہوسکی
- 9 ماہ کے دوران 9.8 ارب ڈالر کا قرض ملا، وزارت اقتصادی امور ڈویژن
- نارووال: بارات میں موبائل فونز سمیت قیمتی تحائف کی بارش
- کراچی کے مختلف علاقوں میں زلزلے کے جھٹکے
- کوئٹہ: برلن بڈی بیئر چوری کے خدشے کے پیش نظر متبادل جگہ منتقل
- گجرات میں اسپتال کی چھت گرنے سے خاتون سمیت تین افراد جاں بحق
- سعودی فرمانروا طبی معائنے کیلیے اسپتال میں داخل
- امریکی سیکریٹری اسٹیٹ سرکاری دورے پر چین پہنچ گئے
- ہم یہاں اچھی کرکٹ کھیلنے آئے ہیں، جیت سے اعتماد ملا، مائیکل بریسویل
- پچھلے میچ کی غلطیوں سے سیکھ کر سیریز جیتنے کی کوشش کرینگے، بابراعظم
- امریکا میں ٹک ٹاک پر پابندی کا بل سینیٹ سے بھی منظور
برطانوی سکھ فوجیوں کا کرتارپور، واہگہ بارڈر سمیت دیگر تاریخی مقامات کا دورہ
لاہور: برطانوی سکھ فوجیوں کے ایک وفد نے رواں ہفتے پاکستان میں سکھوں کے مقدس مذہبی مقامات سمیت پاک بھارت واہگہ بارڈر اوردیگرتاریخی مقامات کا دورہ کیا۔
برطانوی سکھ فوجیوں کے ایک 12 رکنی وفد نے سکھوں کے مقدس ترین مقام گورودواہ جنم استھان ننکانہ صاحب اور گورودوارہ دربارصاحب کرتارپورکا دورہ کیا ہے، ننکانہ صاحب سکھ مذہب کے بانی باباگورونانک دیوجی کی جائے پیدائش کا علاقہ ہے جبکہ کرتارپورصاحب میں گورونانک جوتی جوت سمائے تھے یعنی یہاں ان کی آخری آرام گا ہے۔
پاکستان آنے والا 12 رکنی برطانوی فوجی وفد کی قیادت میجر جنرل سیلیہ ہاروے نے کی۔ انہوں نے بتایا کہ ایک خاتون سمیت 9 سکھ فوجیوں کولیکروہ پہلی بارپاکستان آئے ہیں اور پاکستانی آرمی چیف نے انہیں اس دورے کی دعوت دی اور انتظامات کیے۔
برطانوی سکھ فوجیوں کے وفد نے قبائلی ضلعی اورکزئی کابھی دورہ کیا اوروہاں 1897 میں مارے جانیوالے برطانوی سکھ فوجیوں کو خراج عقیدت پیش کیا۔ قیام پاکستان کے بعد پہلی بار برطانوی سکھ فوجیوں نے پاکستان میں اس مقام کادورہ کیا ہے۔
خیبر پختونخوا میں واقع اورکزئی ایجنسی کے علاقے سرہ گڑی میں سمانہ قلعہ کی چوکیوں پر 1897 میں انگریز افواج اور مقامی افغان قبائل کے مابین لڑائی میں برطانوی فوج کی طرف سے لڑتے ہوئے برطانوی فوج کے مطابق سکھ رجمنٹ کے سپاہیوں نے افغان قبائل قبائلیوں کا مقابلہ کیا تھا۔
علاوہ ازیں برطانوی سکھ فوجیوں نے پاکستان میں دیگرمقدس مقامات کی بھی یاتراکی ہے۔ انہوں نے کرتارپورصاحب میں اٹھائے گئے اقدامات کی بہت تعریف کی ہے۔ انہوں نے لنگرخانے میں کھانا بھی کھایا اور کرتارپور راہداری منصوبے کوسراہا جہاں بھارتی یاتریوں کو ویزاکے بغیر پاکستان آنے اور گورودوارہ دربارصاحب آنے کی اجازت دی گئی ہے۔
برطانوی فوجی وفد نے لاہور کا بھی دورہ کیا جہاں انہوں نے واہگہ بارڈر پر پرچم اتارنے کی تقریب دیکھی۔ اس کے علاوہ وفد نے شاہی قلعہ لاہور، علامہ اقبال کے مزار اور بادشاہی مسجد کا دورہ کیا۔
اپنے قیام کے دوران برطانوی سکھ فوجیوں نے ملک بھر میں اپنے مذہبی مقامات کا بھی دورہ کیا۔ وفد نے پاکستان ملٹری اکیڈمی کا بھی دورہ کیا اور آرمی چیف جنرل قمر جاوید باجوہ سے ملاقات کی تھی اور تاریخی دورے پر وفد کی گرمجوشی سے میزبانی کرنے پر ان کا شکریہ ادا کیا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔