بجلی چوروں کیخلاف خصوصی فورس بنانے کا فیصلہ

یہ فورس کنڈے لگا کر بجلی چوری میں ملوث ملزمان کی خلاف کارروائی کرے گی

---

وفاقی حکومت نے بجلی چوروں کیخلاف اسپیشلائزڈ فورس بنانے کا فیصلہ کیا ہے۔

ذرائع پاور ڈویژن کے مطابق بجلی چوری تدارک کیلئے بنائی جانے والی فورس بجلی چوری کی روک تھام کیساتھ ساتھ وصولی بھی یقینی بنائے گی۔

ذرائع کے مطابق یہ فورس گلی محلوں میں کنڈے لگا کر بجلی چوری میں ملوث ملزمان کی خلاف کارروائی کرے گی۔ صنعتوں و کارخانوں میں بھی بڑے پیمانے پر بجلی چوری کے خلاف کارروائی اسپیشل فورس کرے گی۔

اسپیشلائزڈ فورس کو خصوصی تربیت فراہم کی جائے گی۔وفاقی کابینہ سے باضابطہ طور پر منظوری کے بعد ہی اس فورس کا قیام عمل میں لایا جائے گا۔