فہیم اشرف پاکستان کے ’’بہترین آل راؤنڈر‘‘ ہیں ہیڈکوچ اسلام آباد یونائیٹڈ

ہمیں صرف اعظم خان اور آصف علی پر بھروسہ نہیں کرنا پوری ٹیم ایک یونٹ بن کر کھیل رہی ہے، اظہر محمود (فوٹو: ایکسپریس ویب)

---

اسلام آباد یونائیٹڈ کے ہیڈ کوچ اظہر محمود نے فہیم اشرف کو پاکستان کا بہترین آل راؤنڈر قرار دیا۔

میچ کے اختتام پر میڈیا سے گفتگو کرتے ہوئے اسلام آباد یونائیٹڈ کے ہیڈکوچ اظہر محمود نے کہا کہ فہیم اشرف نے جس طرح کی اننگز کھیلی وہ قابلِ فخر تھی، ہمیں صرف اعظم خان اور آصف علی پر بھروسہ نہیں کرنا پوری ٹیم ایک یونٹ بن کر کھیل رہی ہے۔

اظہر محمود نے فہیم اشرف کو پاکستان کا بہترین آل راؤنڈر قرار دیتے ہوئے کہا کہ میچ کے اختتامی اوورز میں محمد الیاس کی 5 گیندوں پر 19 رنز بناکر ناقابلِ یقین انداز میں ٹیم کو جیت دلوائی۔

مزید پڑھیں: کرس گیل نے صائم ایوب کی تعریف کے پُل باندھ دیئے

گزشتہ روز راولپنڈی کرکٹ اسٹیڈیم میں کھیلے گئے میچ میں ملتان سلطانز نے پہلے بیٹنگ کرتے ہوئے مقررہ 20 اوورز میں 205 رنز کا پہاڑ جیسا ہدف دیا تاہم اسلام آباد یونائیٹڈ کی ٹیم نے ایک گیند قبل ٹارگٹ حاصل کرلیا تھا۔

مزید پڑھیں: حارث رؤف کی بابر اعظم کو پی ایس ایل میں آؤٹ کرنے کی خواہش پوری

اسلام آباد یونائیٹڈ کی جانب سے کولن منرو اور شاداب خان نے بالترتیب 40 اور 44 رنز کی اننگز کھیلی تاہم آل راؤنڈر فہیم اشرف نے 26 گیندوں پر 51 رنز کی اننگز کھیل کر ٹیم کو فتح سے ہمکنار کروایا، انکی اننگز میں 54 چوکے اور 2 چھکے شامل تھے۔