- پولر آئس کا پگھلاؤ زمین کی گردش، وقت کی رفتار سست کرنے کا باعث بن رہا ہے، تحقیق
- سندھ میں کتوں کے کاٹنے کی شکایت کیلئے ہیلپ لائن 1093 بحال
- کراچی: ڈکیتی کا جن قابو کرنے کیلیے پولیس کا ایکشن، دو ڈاکو ہلاک اور پانچ زخمی
- کرپٹو کے ارب پتی ‘پوسٹربوائے’ کو صارفین سے 8 ارب ڈالر ہتھیانے پر 25 سال قید
- گٹر میں گرنے والے بچے کی والدہ کا واٹر بورڈ پر 6 کروڑ ہرجانے کا دعویٰ
- کرپٹو کرنسی فراڈ اسکینڈل میں سام بینک مین فرائڈ کو 25 سال قید
- کراچی، تاجر کو قتل کر کے فرار ہونے والی بیوی آشنا سمیت گرفتار
- ججز کے خط کی انکوائری، وفاقی کابینہ کا اجلاس ہفتے کو طلب
- امریکا میں آہنی پل گرنے کا واقعہ، سمندر سے دو لاشیں نکال لی گئیں
- خواجہ سراؤں نے اوباش لڑکوں کے گروہ کے رکن کو پکڑ کر درگت بنادی، ویڈیو وائرل
- پی ٹی آئی نے ججز کے خط پر انکوائری کمیشن کو مسترد کردیا
- عدالتی امور میں ایگزیکٹیو کی مداخلت کسی صورت برداشت نہیں کی جائے گی، فل کورٹ اعلامیہ
- وفاقی حکومت نے کابینہ کی ای سی ایل کمیٹی کی تشکیل نو کردی
- نوڈیرو ہاؤس عارضی طور پر صدرِ مملکت کی سرکاری رہائش گاہ قرار
- یوٹیوبر شیراز کی وزیراعظم شہباز شریف سے ملاقات
- حکومت کا بجلی کی پیداواری کمپنیوں کی نجکاری کا فیصلہ
- بونیر میں مسافر گاڑی کھائی میں گرنے سے ایک ہی خاندان کے 8 افراد جاں بحق
- بجلی 2 روپے 75 پیسے فی یونٹ مہنگی کردی گئی
- انٹربینک اور اوپن مارکیٹ میں ڈالر کی نسبت روپیہ تگڑا
- حکومت نے 2000 کلومیٹر تک استعمال شدہ گاڑیاں درآمد کرنے کی اجازت دیدی
کراچی میں دودریا کے قریب عمارت کی لفٹ میں خواتین سے دست درازی کی ویڈیو وائرل
کراچی: دودریا کے قریب رہائشی عمارت میں مردوں کی خواتین کے ساتھ 3 مئی کو دست درازی کی سی سی ٹی وی فوٹیج منظر پر آگئی ۔
خواتین پر تشدد کرنے والے ملزم نے ہی الٹا خاتون کے شوہر کے خلاف مقدمہ درج کرادیا تاہم ویڈیو سامنے آنے پر مقدمہ درج کرانے والے ملزم کا حقیقی چہرہ سامنے آگیا۔
فوٹیج میں دیکھا گیا کہ لفٹ میں پہلے سے موجود خواتین نے مزید افراد کو داخل ہونے سے روکا تھا جس پر ان میں تلخ کلامی کے بعد ہاتھا پائی ہوگئی تھی ، فوٹیج میں ایک شخص کو خاتون کا گلا دباتے بھی دیکھا جاسکتا ہے۔
اپارٹمنٹ کے سیکیورٹی گارڈز نے پہنچ کر معاملہ رفع دفع کرایا تھا ، لفٹ میں جھگڑے کے بعد متاثرہ خاتون کا شوہر اسلحہ لے کر نکل آیا تھا جس کی ویڈیو بھی وائرل ہوئی تھی۔
پولیس حکام کا کہنا ہے کہ 18مئی کو درج مقدمے میں مدعی نے خاتون کے شوہر عدنان رانا کو نامزد کیا تھا ، مقدمہ مدعی اللہ جیوایو نے درج کرایا تھا جو فلیٹ نمبر 305 تھرڈ فلور نارتھ ٹاور ایمار فیز 8 ڈی ایچ اے کا رہائشی ہے۔
ساحل انویسٹی گیشن پولیس نے مقدمے میں نامزد خاتون کے شوہر کو گرفتار کر لیا تھا۔
مدعی نے اپنے بیان میں بتایا تھا کہ وہ گزشتہ 8 ماہ سے مذکورہ ایڈریس پر محمد عمران ولد محمد اسلم ابڑو کے پاس بحیثیت باورچی کا کام کرتا ہے اور یہیں پر رہائش پذیر ہے۔
خاتون پر تشدد کرنے والے باورچی نے مقدمے میں کہا تھا کہ 3 مئی 2023 کو میں مرزا خان ولد بگن کے ساتھ گھر کا سامان لے کر اپنے فلیٹ میں جانے کے لیے گراؤنڈ فلور لفٹ کا انتظار کر رہے تھے جب لفٹ آئی تو لفٹ میں پہلے سے دو خواتین تھیں ۔
ہم لفٹ میں جانے لگے تو تقریباً رات ساڑھے گیارہ ، پونے بارہ بجے ان عورتوں نے ہمارے ساتھ بدتمیزی کی ہمیں گالیاں دیں ہم لوگ گراؤنڈ میں آئے تو ان عورتوں نے کسی کو فون کیا اتنے میں محمد عدنان رانا تین نامعلوم ساتھیوں کے ہمراہ آیا۔
محمد عدنان رانا کے ہاتھ میں پستول تھا انہوں نے ہمیں مارپیٹ کی تھپڑ مارے اور محمد عدنان رانا نے جان سے مارنے کی نیت سے مجھ پر فائر کیا میں معجزانہ طور پر بچ گیا وہاں کافی لوگ جمع ہوگئے اور سیکیورٹی والے بھی آگئے۔
انہوں نے ہمیں چھڑایا اور محمد عدنان رانا جان سے مارنے کے دھمکیاں دیتے ہوئے چلے گئے ۔ اس واقعے کو وہاں پر موجود لوگوں اور محمد عمران ابڑو ، ہزار خان ولد شہباز خان اور عبد النبی ولد محمد نواز نے دیکھا ، محمد عمران ابڑو نے مددگار 15 پر اطلاع بھی دی تھی اسکے بعد ہم لوگ اپنے گاؤں چلے گئے تھے اب 18 مئی کو واپس آئے اور رپورٹ کو آیا ہوں۔
ملزم نے اپنے بیان میں کہا ہے کہ میرا دعویٰ ہے کہ محمد عدنان رانا اور اس کے تین نامعلوم ساتھیوں کے خلاف قانونی کارروائی عمل میں لائی جائے۔
پولیس نے مقدمے میں نامزد ملزم عدنان رانا کو گرفتار کر لیا تھا جو اب ریمانڈ پر پولیس کے پاس ہے۔
اب واقعہ کی ابتدائی سی سی ٹی وی فوٹیج جو لفٹ کی خفیہ کیمرے سے بنی تھی منظر پر آگئی جس میں مقدمہ درج کرانے والا شخص ہی خواتین پر تشدد کر رہا ہے، جو دراصل عمران ابڑو کا باورچی ہے۔ لفٹ میں عمران ابڑو بھی موجود تھا۔
فوٹیج میں واضح طور پر دیکھا گیا کہ ایک شخص خاتون سے نہ صرف دست درازی کر رہا بلکہ ان کو گلے سے بھی پکڑا ہوا ہے، خاتون کو مارنے کے لیے مکے بھی برسائے جاتے ہوئے فوٹیج میں واضح دیکھا جا سکتا ہے ، باورچی نے ہی خواتین اور ان کے دیگر اہل خانہ کے خلاف مقدمہ درج کرایا تھا ۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔