- پولیس سرپرستی میں اسمگلنگ کی کوشش؛ سندھ کے سابق وزیر کی گاڑی سے اسلحہ برآمد
- ساحل پر گم ہوجانے والی ہیرے کی انگوٹھی معجزانہ طور پر مل گئی
- آئی ایم ایف بورڈ کا شیڈول جاری، پاکستان کا اقتصادی جائزہ شامل نہیں
- رشتہ سے انکار پر تیزاب پھینک کر قتل کرنے کے ملزم کو عمر قید کی سزا
- کراچی؛ دو بچے تالاب میں ڈوب کر جاں بحق
- ججوں کے خط کا معاملہ، اسلام آباد ہائیکورٹ نے تمام ججوں سے تجاویز طلب کرلیں
- خیبرپختونخوا میں بارشوں سے 36 افراد جاں بحق، 46 زخمی ہوئے، پی ڈی ایم اے
- انٹربینک میں ڈالر کی قدر میں تنزلی، اوپن مارکیٹ میں معمولی اضافہ
- سونے کے نرخ بڑھنے کا سلسلہ جاری، بدستور بلند ترین سطح پر
- گداگروں کے گروپوں کے درمیان حد بندی کا تنازع؛ بھیکاری عدالت پہنچ گئے
- سائنس دانوں کی سائبورگ کاکروچ کی آزمائش
- ٹائپ 2 ذیا بیطس مختلف قسم کے سرطان کے ساتھ جینیاتی تعلق رکھتی ہے، تحقیق
- وزیراعظم کا اماراتی صدر سے رابطہ، موسمیاتی تبدیلی سے نمٹنے کے لیے مشترکہ اقدامات پر زور
- پارلیمنٹ کی مسجد سے جوتے چوری کا معاملہ؛ اسپیکر قومی اسمبلی نے نوٹس لے لیا
- گزشتہ ہفتے 22 اشیا کی قیمتیں بڑھ گئیں، ادارہ شماریات
- محکمہ موسمیات کی کراچی میں اگلے تین روز موسم گرم و مرطوب رہنے کی پیش گوئی
- بھارت؛ انسٹاگرام ریل بنانے کی خطرناک کوشش نے 21 سالہ نوجوان کی جان لے لی
- قطر کے ایئرپورٹ نے ایک بار پھر دنیا کے بہترین ایئرپورٹ کا ایوارڈ جیت لیا
- اسرائیلی بمباری میں 6 ہزار ماؤں سمیت 10 ہزار خواتین ہلاک ہوچکی ہیں، اقوام متحدہ
- 14 دن کے اندر کے پی اسمبلی اجلاس بلانے اور نومنتخب ممبران سے حلف لینے کا حکم
نوجوانوں، خواتین اور کسانوں کی ترقی کے انقلابی پروگرام بجٹ میں شامل
اسلام آباد: وزیراعظم شہباز شریف نے نوجوانوں، خواتین اور کسانوں کی ترقی کے انقلابی پروگرام کو بجٹ میں شامل کرنے کی منظوری دے دی۔
ایکسپریس نیوز کے مطابق بجٹ 2023-24ء میں نوجوانوں، خواتین اور زرعی ٹیوب ویلز سے متعلق خصوصی منصوبوں کے لیے رقم مختص کی گئی ہے جس کے تحت نوجوانوں کو بلاسود قرض ملیں گے، تعلیم، اسپورٹس انڈاؤمنٹ فنڈ بنائے جائیں گے۔
پنجاب انڈاﺅمنٹ فنڈ کی طرز پر ’’پاکستان انڈاﺅمنٹ فنڈ برائے تعلیم‘‘ قائم کرنے کی بھی منظوری دی گئی ہے، اس فنڈ سے ملک بھر کے ذہین لیکن غریب طلباء وطالبات کو وظائف دئیے جائیں گے۔
نوجوانوں کو چھوٹے قرض دینے کے وزیراعظم یوتھ پروگرام کے لیے خطیر رقم مختص کی گئی ہے، نوجوانوں کو آئی ٹی سمیت مختلف ہنر سکھانے کے لیے وسائل بجٹ میں رکھے گئے ہیں، نوجوانوں کو ایک لاکھ مفت لیپ ٹاپ کی فراہمی کے لیے رقم بھی بجٹ میں مختص کی گئی ہے۔
اسی طرح آئی ٹی کے شعبے میں نیا کاروبار شروع کرنے والے نوجوانوں کی مالی مدد کی جائے گی، نوجوانوں کو کھیل کے میدان میں لانے اور اسپورٹس سرگرمیوں کی حوصلہ افزائی کے لیے فنڈز مختص کر دئیے گئے۔
وزیراعظم کی جانب سے خواتین کو مالی طور پر بااختیار بنانے کے پروگرام کے لیے بھی پروگرام کی منظوری دی گئی ہے۔
زراعت کے شعبے میں زرعی ٹیوب ویلز کی شمسی توانائی پر منتقلی پروگرام کی بھی منظوری دی گئی ہے، زرعی ٹیوب ویلز کی شمسی توانائی پر منتقلی وزیراعظم کے کسان پیکیج کے دوسرے حصے کے طور پر کی جائے گی۔
وزیرِ اعظم سے وزیر خزانہ کی قیادت میں معاشی ٹیم کی ملاقات
دریں اثنا وزیر اعظم محمد شہباز شریف سے وزیر خزانہ اسحاق ڈار کی قیادت میں معاشی ٹیم نے ملاقات کی اور وزیر اعظم کو اقتصادی سروے برائے مالی سال 2022-23ء پیش کیا۔
ملاقات میں وزیر مملکت ڈاکٹر عائشہ غوث پاشا، معاونین خصوصی طارق باجوہ، طارق پاشا اور وزارت خزانہ کے اہل کاروں نے شرکت کی۔
وزیر اعظم نے معاشی ٹیم کی گزشتہ ایک برس میں ملکی معیشت کے استحکام اور ترقی کے لیے کوششوں کو سراہا اور کہا کہ گزشتہ حکومت کے چھوڑے گئے معاشی چیلنجز اور تاریخی سیلاب کے باوجود معاشی ٹیم کی ملکی معیشت کے لیے خدمات قابلِ ستائش ہیں، آئندہ بجٹ میں حکومت زرعی شعبے اور انفارمیشن ٹیکنالوجی کی جدت پر خطیر سرمایہ کاری کرے گی۔
وزیراعظم نے کہا کہ چھوٹے کسانوں کو اعلی معیار کے بیج اور خودکار زرعی مشینری سے لیس کیا جائے گا۔ وزیرِ اعظم نے ہدایت دی کہ آئندہ بجٹ میں چھوٹے کسانوں کے لیے بلاسود قرضوں کے پروگرام میں توسیع کی جائے، فی ایکڑ زیادہ پیداوار حاصل کرنے والے کسانوں کو حکومت انعام سے بھی نوازے گی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔